Mashami yatoranyije abakinnyi 23 bazavamo abakina na Côte d’Ivoire

Yanditswe na Eric Tony Ukurikiyimfura
Kuya 20 Werurwe 2019 saa 06:01
Yasuwe :
0 0

Umutoza w’ikipe y’igihugu y’u Rwanda, Mashami Vincent yatangaje abakinnyi 23 ahagurukana nabo i Kigali, berekeza mu mujyi wa Abidjan gukina na Côte d’Ivoire mu mukino usoza mu gushaka itike ya CAN 2019 izabera mu Misiri muri Kamena.

Muri aba bakinnyi 23 umutoza ajyanye, harimo abakinnyi barindwi bose bakina hanze bahamagawe, aba barangajwe imbere na rutahizamu Kagere Meddie wageze i Kigali mu gitondo cyo kuri uyu wa Gatatu nyuma yo gukina umukino wa shampiyona ya Tanzania ikipe ye ya Simba SC yaraye itsinzemo Ruvu Shooting, akabonamo igitego.

Abakinnyi bane basigaye ni myugariro wa Mukura Victory Sports Iragire Saidi na Habimana Hussein wa Rayon Sports mu gihe mu kibuga hagati hasigaye Butera Andrew utarakoze imyitozo na Nshimiyimana Imran bombi bakinira APR FC.

Amavubi arahaguruka mu Rwanda mu rukerera rwo kuri uyu wa Kane (Saa saba z’ijoro) hamwe n’Indege ya Ethiopian Airlines. Azakorera imyitozo kuri Stade Bouaké kuwa Gatanu mbere yo gucakirana n’Inzovu za Côte d’Ivoire kuwa Gatandatu.

Ikipe y’u Rwanda nta kindi iharanira uretse ishema kuko ari iya nyuma mu itsinda H n’amanota abiri. Guinea ifite amanota 11 na Côte d’Ivoire ifite amanota 8 nizo zabonye itike yo gukina CAN 2019 mu gihe Centrafrique yo iri ku mwanya wa gatatu n’amanota atanu.

Abakinnyi 23 b’Amavubi berekeza muri Côte d’Ivoire:

Abanyezamu: Rwabugiri Omar (Mukura VS&L), Kimenyi Yves (APR FC) na Mvuyekure Emery (Tusker FC, Kenya).

Ba myugariro: Rwatubyaye Abdoul (Sporting KC, USA), Nirisarike Salomon (FC Tubize, mu Bubiligi), Manzi Thierry (Rayon Sports FC), Buregeya Prince (APR FC), Fitina Ombolenga (APR FC), Imanishimwe Emmanuel (APR FC), Rutanga Eric (Rayon Sports FC) na Iradukunda Eric (Rayon sports FC).

Abakina hagati: Niyonzima Ally (APR FC), Muhire Kevin (El Dakhleya Sporting Club, mu Misiri), Niyonzima Olivier (Rayon Sports FC), Nsabimana Eric (AS Kigali) na Bizimana Djihad (Waasland Beveren, mu Bubiligi).

Ba rutahizamu : Kagere Meddie (SC Simba, Tanzania), Tuyisenge Jacques (Gor Mahia, Kenya), Hakizimana Muhadjiri (APR FC), Nshuti Dominique Savio (APR FC), Nizeyimana Juma (Kiyovu Sports), Byiringiro Lague (APR FC) na Iradukunda Bertrand (Mukura VS&L).

Abakinnyi b'Amavubi bakoze imyitozo ya nyuma i Kigali kuri uyu wa Gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza