Mashami yatangaje abakinnyi 30 b’u Rwanda bazakina CHAN 2021

Yanditswe na Eric Tony Ukurikiyimfura
Kuya 8 Mutarama 2021 saa 06:01
Yasuwe :
0 0

Umutoza Mukuru w’Ikipe y’Igihugu ‘Amavubi’, Mashami Vincent, yatangaje abakinnyi 30 bazakina Shampiyona Nyafurika ihuza abakinnyi bakina imbere mu bihugu byabo (CHAN 2021) izabera muri Cameroun.

Muri CHAN 2021 izatangira kuwa 16 Mutarama kugeza ku wa 7 Gashyantare, u Rwanda ruri mu itsinda C hamwe na Maroc, Togo na Uganda.

Umukino warwo wa mbere uzaba kuwa 18 Mutarama, ruhura na Uganda kuri Stade de la Réunification y’i Douala mu gihe kuwa 22 Mutarama ruzakina na Maroc kuri icyo kibuga mbere yo guhura na Togo kuwa 26 Mutarama kuri Stade de Limbé/Buea.

Kuri uyu wa Gatanu nibwo umutoza Mashami Vincent yatangaje urutonde rwa nyuma rw’abakinnyi 30 bazakina iri rushanwa.

Abakinnyi batatu basigaye ni Serumogo Ally wa Kiyovu Sports, Sibomana Patrick wa Police FC na Twizerimana Onesme wa Musanze FC.

U Rwanda rwakiriye CHAN 2016, rugiye gukina iri rushanwa rihuza abakinnyi bakina imbere muri za shampiyona zabo ku nshuro ya gatatu yikurikiranya n’iya kane muri rusange nyuma yo kwitabira CHAN 2011 yabereye muri Sudani. Inshuro ebyiri gusa (2009 na 2014) nizo u Rwanda rutitabiriyemo iri rushanwa.

Amavubi yatangiye kwitegura iri rushanwa kuwa 24 Ukuboza 2020, yakinnye umukino umwe wa gicuti yanganyijemo na Congo Brazzaville ibitego 2-2 mu gihe umukino wa kabiri wa gicuti uzaba ku Cyumweru tariki ya 10 Mutarama.

Biteganyijwe ko ikipe y’Igihugu izerekeza muri Cameroun kuwa Gatatu tariki ya 13 Mutarama 2021.

Abakinnyi 30 b’ u Rwanda bazakina CHAN 2021:

Abanyezamu: Kimenyi Yves (Kiyovu Sports), Ndayishimiye Eric ‘Bakame’ (AS Kigali), Kwizera Olivier (Rayon Sports) na Rwabugiri Umar (APR FC).

Ba myugariro: Manzi Thierry (APR FC), Mutsinzi Ange (APR FC), Rugwiro Hervé (Rayon Sports), Nsabimana Aimable (Police FC), Fitina Omborenga (APR FC), Imanishimwe Emmanuel (APR FC), Rutanga Eric (Police FC), Niyomugabo Claude (APR FC) na Usengimana Faustin (Police FC) na Bayisenge Emery (AS Kigali).

Abakina hagati: Niyonzima Olivier ‘Seif’ (APR FC), Ngendahimana Eric (Kiyovu Sports), Twizeyimana Martin Fabrice (Police FC), Nsabimana Eric (AS Kigali), Ruboneka Jean Bosco (APR FC), Manishimwe Djabel (APR FC), Nshuti Dominique Savio (Police FC) na Kalisa Rachid (AS Kigali).

Ba rutahizamu: Byiringiro Lague (APR FC), Sugira Ernest (Rayon Sports), Usengimana Danny (APR FC), Iradukunda Bertrand (Gasogi United), Iyabivuze Osée (Police FC), Mico Justin (Police FC), Tuyisenge Jacques (APR FC)na Hakizimana Muhadjiri (AS Kigali).

Umutoza Mashami yashyize hanze abakinnyi 30 bazafasha Amavubi muri CHAN
Twizerimana Onesme ni umwe mu bakinnyi basigaye
Sibomana Patrick wa Police FC yakuwe mu bakinnyi bazitabira CHAN

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .