Marines FC yisubije Ndayishimiye Thierry wari umaze amezi abiri agiye muri mukeba Etincelles

Yanditswe na Mukwaya Olivier
Kuya 2 Nzeri 2020 saa 05:00
Yasuwe :
0 0

Ikipe ya Marines FC yisubije Ndayishimiye Thierry wari umaze amezi abiri agiye muri mukeba Etincelles, ahita yongererwa amasezerano y’imyaka ibiri.

Ndayishimiye yari yarasinyiye mukeba Etincelles, ariko nyuma aza gusanga amasezerno yari afite muri Marines FC azarangira mu kwezi k’Ukuboza 2020.

Umunyamabanga Mukuru wa Marines FC, Ruzindana Ndahiro, avuga ko n’ubundi Ndayishimiye Thierry ari umukinnyi wabo, batazi ibyo yaba yaravuganye na Etincelles.

Ati “Kuba yaragiye twebwe ntabwo tubizi kuko twabibonye mu binyamakuru. Amategeko araturengera kuko yari yarasinye imyaka isanzwe ntabwo ari umwaka w’imikino."

"Ubu ni umukinnyi wacu muri Shampiyona ya 2020/21 na 2021/22 kandi mu ntego twihaye ni ukwiha agaciro aho bizagorana kutubonaho amanota kandi dukinisha abana bato.”

Mu rwego rwo kwiyubaka, Marines FC yasinyishije Gikamba Ismael na Mucyo Fred uzwi nka Januzaj, bombi ibakuye muri mukeba w’ibihe byose Etincelles.

Yazamuye kandi abakinnyi batatu bakinaga mu Cyiciro cya Kabiri muri VisionJeunesse Nouvelle.

Nyuma yo gutizwa umunyezamu Ntwari Fiacre wavuye muri APR FC, Marines FC izakinisha kandi abandi bakinnyi bane bazava muri Intare FC.

Ndayishimiye Thierry yongereye amasezerano y'imyaka ibiri muri Marines FC
Umunyamabanga Mukuru wa Marines FC, Ruzindana Ndahiro asinyisha Ndayishimiye Thierry

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .