Manchester City itozwa na Pep Guardiola washimangiye igitinyiro cyayo, kuko mu myaka itanu ishize yegukanyemo ibikombe bine bya shampiyona.

Umunsi wa nyuma wa shampiyoa wageze amakipe abiri ari imbere afite amahirwe yo kwegukana igikombe.

Nyuma y’imikino 37 yari imaze gukina, Manchester City yari iyoboye urutonde rwa shampiyona mu buryo by’agateganyo n’amanota 90, Liverpool ikaza ku mwanya wa kabiri n’amanota 89.

Aya makipe yarushanyaga ibitego azigamye, Manchester City izigamye ibitego 3 mu gihe Liverpool yari izigamye ibitego 2.

Man City yari yakiriye Aston Villa ku kibuga cyayo Etihad Stadium, yatangiriye ku gitutu ku buryo ku munota 37 yinjijwe igitego cya mbere cyatsinzwe na Matty Cash.

Hari ku nshuro ya mbere kuva mu Ugushyingo 2019, ibanjwe igitego mu gice cya mbere cy’umukino.

Ku munota wa 69, Man City yijijwe igitego cya kabiri cyatsinzwe na Philippe Coutinho wanakiniye Liverpool F.C.

Muri icyo gihe Liverpool F.C yakinaga na Wolves F.C byanganyaga ibitego 1-1.

Abafana ba Manchester City bahiye ubwoba, ubona ku masura bijimwe.

Ibintu byahinduye isura ubwo ku munota wa 76, Ilkay Gundogan, yatsindaga igitego cya mbere cya Manchester City, biba ibitego 2-1.

Mancehster Coty yahise azamura umukino wayo, ku munota wa 78 Rodri ashyiramo igitego cya kabiri cya Manchester City maze, umukino kwa Liverpool uguma kugorana ho ari igitego 1-1.

Abafana benshi bari buzuye Etihad Stadium bahise batangira gushyuha, ishyaka riguma hejuru ndetse biza ubahira.

Byatumye iyi kipe ihita ibona igitego cya gatatu, cyatsinzwe na Ilkay Gundogan ku munota wa 81, biba ibitego 3-2.

Kugeza kuri uwo munota, Manchester City yari imaze kwegukana igikombe cya shampiyona.
Ku monta wa 84 Liverpool yinjije igitego cya kabiri cyatsinzwe na Mohamed Salah, maze uwo mukino ukomeza ari ibitego 2-1.

Muri ako kanya Man City nubudi yari igifite igikombe ku manota 93, kuri 92 ya Liverpool.

Liverpool yaje kuzamura uurwego rw’umukino wayo ndetse ibona igitego cya gatatu, cyatsinzwe na Andy Robertson ku munota wa 89.

Muri icyo gihe icyashoboraga guhindura ibintu cyari kuba igitego cya Aston Villa, ikaba yanganya na Manchester City ibitego 3-3, ariko cyabuze.

Imikino yombi yaje kongerwaho iminota ine y’inyogera, irangira nta yindi kipe iboye igitego.

Uko shampiyona yarangiye n’amanota amakipe yabonye

Amakipe azakina UEFA Champions League

1. Manchester City: 93
2. Liverpool: 92
3. Chelsea: 74
4. Tottenham Hotspurs: 71

Ikipe izakina UEFA Europa League

5. Arsenal: 69
6. Manchester United: 58

Ikipe izakina UEFA Conference League

7. Westham United: 56

Abasigaye

8. Leicester City: 52
9. Brighton and Hove Albion: 51
10. Wolverhampton Wanderers: 51
11. Newcastle United: 49
12. Crystal Palace: 48
13. Brentford: 46
14. Aston Villa: 45
15. Southampton: 40
16. Everton: 39
17. Leeds United: 38
18. Burnley: 35

Amakipe yamanutse mu cyiciro cya kabiri

19. Watford: 23
20. Norwich City: 22

Manchester City yegukanye igikombe cya gatandatu cya shampiyona

Umutoza Pep Guardiola akomeje gukora amateka muri Premier League