Umuvugizi wa Rayon Sports, Ngabo Roben, yemereye IGIHE ko aya makuru ari impamo. Amakuru avuga ko iyi mishahara ihwanye na miliyoni 8 Frw.

Madjaliwa yatangiye kwishyuza Gikundiro iyi mishahara muri Nyakanga 2024, aho icyo gihe yavugaga ko ariyo mpamvu adakina.

Iyi kipe ivuga ko yabuze Madjaliwa mu Ugushyingo 2023, ibyo we yise kujya kwivuza kuko yavunitse.

Rayon Sports ivuga ko yahagaritse kumuhemba nyuma yo kumufata nk’uwataye akazi kuko nta byemezo by’abaganga yagaragaje ko yivurijeho mu gihe raporo iyi kipe yabonye zigaragaza ko umukinnyi ari muzima.

Uyu Murundi yageze muri Rayon Sports mu mpeshyi ya 2023. Mu gihe gito yakinnye yarigaragaje cyane ndetse benshi ntibashidikanya ku mpano ye.

Madjaliwa yareze Rayon Sports muri FERWAFA

Mu gihe gito yakinnye, Madjaliwa yagaragaje ko ari umukinnyi mwiza

Madjaliwa yageze muri Rayon Sports mu mpeshyi ya 2023