00:00:00 IGIHE NETWORK KN KINYARWANDA EN ENGLISH FR FRANCAIS

Kwizera Pierrot mu muryango winjira muri Rayon Sports

Yanditswe na IGIHE
Kuya 28 January 2022 saa 07:28
Yasuwe :

Kwizera Pierrot usoje amasezerano yari afite muri AS Kigali, ashobora kwerekanwa nk’umukinnyi mushya wa Rayon Sports yamaze kumvikana na yo.

Kwizera yaraye agaragaye mu mukino w’umunsi wa 15 wa Shampiyona ubwo AS Kigali yatsindwaga na Etoile de l’Est ibitego 2-0.

Uyu mukinnyi wasoje amasezerano, yari amaze iminsi mu biganiro n’iyi kipe yakiniraga ariko amakuru avuga ko ubuyobozi bwa AS Kigali bwahisemo kumureka nyuma yo kuganira n’umutoza Mike Mutebi.

Kwizera waherukaga kwemerera Rayon Sports ko ashobora kuyikinira mu gihe yaba atongereye amasezerano muri AS Kigali, byitezwe ko ayisinyira kuri uyu wa Gatanu, amasaha make mbere y’uko isoko ry’igura n’igurisha rifunga.

Mu minsi ishize, umwe mu b’imbere muri Rayon Sports yari yabwiye IGIHE ko bumvikanye na Kwizera Pierrot amasezerano y’imyaka ibiri ariko bikazatangazwa imikino ibanza ya Shampiyona irangiye.

Muri Nzeri 2019 ni bwo Kwizera Pierrot yasinyiye AS Kigali ariko ntiyayikinira mu mwaka wa mbere kubera imvune.

Uyu mukinnyi mpuzamahanga w’u Burundi yageze mu Rwanda muri Mutarama 2015, aho yasinyiye Rayon Sports ku masezerano y’umwaka umwe n’igice mu gihe mu mpeshyi ya 2016 yasinye indi myaka ibiri.

Yabaye umukinnyi w’Umwaka mu Rwanda mu myaka ibiri ya nyuma akinira Rayon Sports.

Muri Kanama 2018, Kwizera yerekeje muri Al Oruba Sports Club yo muri Oman nyuma y’uko amasezerano ye yari arangiye muri Rayon Sports.

Kwizera Pierrot ashobora gusinyira Rayon Sports kuri uyu wa Gatanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .