Ku myaka 75, Bahader agiye guca agahigo ko kuba umukinnyi ukuze kurusha abandi mu mupira w’amaguru

Yanditswe na Eric Tony Ukurikiyimfura
Kuya 22 Mutarama 2020 saa 07:01
Yasuwe :
0 0

Umunya-Misiri Ezzeldin Bahader w’imyaka 75, agiye kwandikwa mu gitabo cy’abakoze ibidasanzwe ku Isi “Guinness des Records” nyuma y’uko yamaze kwemererwa gukina mu cyiciro cya gatatu n’Ishyirahamwe ry’Umupira w’Amaguru mu Misiri (EFA).

Kuri uyu wa Kabiri nibwo EFA yahaye ibyangombwa Bahader kugira ngo akinire ikipe ye yitwa “6 Octobre” ibarizwa mu cyiciro cya gatatu mu Misiri.

Naramuka akandagiye mu kibuga ku mukino utaha, Ezzeldin Bahader, azaba akuyeho agahigo kari gafitwe n’Umunya-Isreal Isaac Hayik w’imyaka 73 n’iminsi 95 kuri ubu ukina muri Maccabi Ironi.

Ishyirahamwe ry’Umupira w’Amaguru mu Misiri (EFA) rivuga ko iyi kipe ya “6 Octobre” yamaze kumenyesha Guiness des Records ko Bahader agiye gukuraho aka gahigo mu mukino utaha.

Ntabwo higeze hagaragazwa andi makipe uyu mugabo yakiniye cyangwa byinshi bigenda n’urugendo rwe mu mupira w’amaguru.

Kugeza ubu, Misiri ni yo ifite umukinnyi ukuze, Essam El Hadary, wagaragaye mu Gikombe cy’Isi.

Ku myaka 45, El Hadary yakuyeho agahigo kari gafitwe na Umunya-Colombia Faryd Mondragón wakinnye Igikombe cy’Isi mu 2014 afite imyaka 43 n’iminsi itatu.

Ezzeldin Bahader (hagati) yabonye ibyangombwa byo gukinira ikipe ye ku myaka 75

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza