Ku myaka 53, Umuyapani Miura yongereye amasezerano mu ikipe akinira

Yanditswe na Bukuru JC
Kuya 11 Mutarama 2021 saa 08:02
Yasuwe :
0 0

Rutahizamu w’Umuyapani, Kazuyoshi Miura uzuzuza imyaka 54 ku wa 26 Gashyantare, habura umunsi umwe ngo hatangire umwaka w’imikino wa 2021, yamaze gusinyana amasezerano mashya n’Ikipe ye ya Yokohama FC yo mu Cyiciro cya Mbere (J1 League).

Uyu mugabo ugeze mu mwaka we wa 36 mu rugendo rwe rwo gukina ruhago, yatangiye gukina umupira w’amaguru muri Santos yo muri Brésil mu 1986, hari nyuma yo kwerekeza muri iki gihugu afite imyaka 15 gusa mu 1982.

Kazuyoshi Miura yageze muri Yokohama FC mu 2005, akaba yaranyuze kandi mu makipe nka Genoa na Dinamo Zagreb afite amazina akomeye ku Mugabane w’u Burayi.

Agira ati “Nifuza gukomeza gukina ruhago uko ngenda niyongera mu myaka.”

Yakiniye kandi Ikipe y’Igihugu y’u Buyapani imikino 89, atsinda ibitego 139 mu Cyiciro cya Mbere cyaho, ibi bimushyira ku mwanya wa gatandatu w’abatsinze byinshi mu mateka y’Icyiciro cya Mbere mu Buyapani.

Uyu mugabo w’imyaka 53, ni we wenyine ugikina mu batangiranye na Shampiyona y’Icyiciro cya Mbere mu Buyapani mu 1993 ndetse kuri uyu wa Mbere ikipe ye yatangaje ko yamaze kongera amasezerano.

Miura yatangiye gukinira Ikipe y’Igihugu y’u Buyapani mu 1990, ayifasha gukina Igikombe cy’Isi ku nshuro ya mbere mu 1998 ubwo yatsindaga ibitego 14 mu gushaka itike nubwo atashyizwe mu bakinnyi bitabiriye iri rushanwa ryabereye mu Bufaransa.

Yasezeye mu ikipe y’igihugu mu 2000 nyuma yo gutsindira u Buyapani ibitego 55 mu mikino 89.

Amakipe 14 Kazuyoshi Miura yakiniye mu myaka 36 amaze akina ruhago

  • 1986 Santos
  • 1986 Palmeiras
  • 1986 Matsubara
  • 1987 CRB
  • 1987–1988 XV de Jau
  • 1988–1989 Coritiba
  • 1990 Santos
  • 1990–1998 Yomiuri/Verdy Kawasaki
  • 1994–1995 Genoa (Yaratijwe)
  • 1999 Dinamo Zagreb
  • 1999–2000 Kyoto Purple Sanga
  • 2001–2005 Vissel Kobe
  • 2005– Yokohama FC
  • 2005 Sydney FC (Yaratijwe)
Kazuyoshi Miura uzuzuza imyaka 54 mu kwezi gutaha, yongereye amasezerano muri Yokohama FC
Miura agiye gukina umwaka wa 36 w'imikino

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .