Ni mu mukino w’Umunsi wa Cyenda wa Shampiyona wabereye kuri Kigali Pelé Stadium, kuri uyu wa Kabiri, tariki ya 5 Ugushyingo 2024.

Ku munota wa 11 ni bwo uburyo bukomeye muri uyu mukino bwabonetse ubwo Muderi Akbar wa Gasogi United yazamukanaga umupira ari kumwe na Mugisha Joseph ariko bateye mu izamu Niyonkuru Ramadhan awushyira muri koruneri.

Nyuma y’iminota ibiri gusa, Gasogi United yabonye igitego cya mbere cyatsinzwe na Malipangou Christian, nyuma yo gutera ishoti rikomeye ari hanze y’urubuga rw’amahina.

Kiyovu Sports yishyuriwe na Nizeyimana Djuma ku mumota wa 16 ariko ku wa 21 Muderi Akbar ashyiramo icya kabiri cya Gasogi United ikomeza kuyobora umukino warimo gusatirana ku mpane zombi.

Igitego cya gatatu cya gatatu cya Gasogi United cyinjiyemo kuri coup frank yatewe na Malipangou Christian, ku ikosa rya ryakorewe hafi y’izamu ryari ririnzwe na Nzeyurwanda Djihad.

Mbere y’uko igice cya mbere kirangira, Umutoza wa Kiyovu Sports, Malick Wade, yakoze impinduka ku munota wa 39, akuramo Niyonkuru Ramadhan ashyiramo Mugisha Desire.

Izi mpinduka zagiza akamaro kuko Mugisha Desire yahise atsinda ikindi gitego ku munota wa 45+2, ari na cyo cya nyuma cyagiyemo mu gice cya mbere cyarangiye nyuma yo kongeraho iminota ibiri.

Icya kabiri cyatangiranye imbaraga kuri Kiyovu Sports yashakaga kwishyura, ndetse igakinira cyane mu kibuga cya Gasogi United yasabwaga kwitonda kugira ngo itagomborwa.

Nizeyimana Djuma yongeye guhusha igitego ku mumota wa 57, biturutse ku mupira yari aherejwe na Nizigiyimana Karima, akawakirira mu rubuga rw’amahina ariko yatera mu izamu ugaca hafi gato yaryo.

Nyu y’iminota 10 Gasogi United isatirwa cyane, umutoza wayo Tchimas Bienvenue Gyslain yasimbuje ku munota wa 66, akuramo Mugisha Joseph wahaye umwanya Ngarambe Sadjat.

Gasogi United yabonye igitego cya kane nyuma y’uko Malipangou acenze abakinnyi bari mu bwugarizi bwa Kiyovu Sports, ahererekanya neza na Ndikumanà Dany wahise awuteraka mu izamu ku munota wa 75.

Ku munota wa 86, Dufitimana Pacifique yatsinze igitego cya gatatu cya Kiyovu Sports nyuma y’akavuyo ko guhagarara nabi no guhuzagurika k’ubwugarizi bwa Gasogi United.

Umukino wongeweho iminota itanu warangiye Gasogi United ibonye amanota atatu ku bitego 4-3, ihita ibona 14 ayishyira ku mwanya wa gatanu ndetse Urucaca rukomeza kuba urwa nyuma.

Imikino iteganyijwe ku wa Gatatu

Bugesera FC na Gorilla FC
Musanze FC na Rayon Sports
AS Kigali na Marine
Etincelles FC na Rutsiro FC
Muhazi United na Amagaju FC

Imikino iteganyijwe ku wa Gatatu

Mukura VS na Police FC
Vision FC na APR FC

Abakinnyi 11 Kiyovu Sports yabanje mu kibuga

Abakinnyi 11 Gasogi United yabanje mu kibuga

Umukino wayobowe n'umusifuzi Nshimiyimana Victor

Wari umukino w'imbaraga ku makipe yombi

Christian Malipangou ni umwe mu bakinnyi bagoye Kiyovu Sports

Malipangou yatsinze ibitego bibiri

Gasogi United FC yasoje igice cya mbere iyoboye umukino

Ndikumana na Malipangou batsindiye Gasogi United

Abafana ba Kiyovu Sports bakomeje kuba mu gihirahiro

Kiyovu yagerageje kwihagararaho imbere ya Gasogi United

Nzeyurwanda Djihad yanyuzagamo agatabara Kiyovu Sports

Abafana ba Kiyovu Sports bavuza ingoma bagononwa

Umukino wagaragayemo imvururu mu minota ya nyuma

Ndikumana Dany yyinjije igitego cya kane cya Gasogi United

Perezida wa Gasogi United FC, KNC, yitegereza abakinnyi be bashoboraga kwishyurwa

Muhire Jean Claude ni umwe mu bakunzi ba Kiyovu Sports

Amafoto: Kwizera Remy Moses