00:00:00 IGIHE NETWORK KN KINYARWANDA EN ENGLISH FR FRANCAIS

Kiyovu Sports yakoze imyitozo ya nyuma mbere yo guhura na Marines FC (Amafoto)

Yanditswe na Eric Tony Ukurikiyimfura
Kuya 22 Ukuboza 2022 saa 11:29
Yasuwe :

Kiyovu Sports yakoreye imyitozo ya nyuma kuri Stade Umuganda izakirirwaho na Marines FC mu mukino w’Umunsi wa 15 wa Shampiyona uteganyijwe ku wa Gatanu, tariki ya 23 Ukuboza 2022.

Iyi kipe yambara icyatsi n’umweru yazamutse i Rubavu kuri uyu wa Kane kugira ngo abakinnyi babashe kuruhuka neza bitegura umukino uzaba ku wa Gatanu.

Ku mugoroba, barebye umukino APR FC yanganyijemo na Etincelles FC igitego 1-1 kuri Stade Umuganda, urangiye bajya mu kibuga baritoza.

Umutoza Mateso Jean de Dieu yakoresheje abakinnyi hafi ya bose yasigaranye nyuma yo guhindurwa imirimo kwa André Landeut, ariko batarimo Iradukunda Bertrand ufite ikibazo mu kagombambari k’ibumoso.

Kiyovu Sports ya kane n’amanota 27, izakina uyu mukino wo ku wa Gatanu ikeneye gutsinda kugira ngo isatire AS Kigali ya mbere ifite amanota 30.

Ku rundi ruhande, Marines FC ikeneye kongera amanota kugira ngo ive munsi y’umurongo utukura dore ko ubu ifite arindwi inganya na Espoir FC mu myanya ibiri ya nyuma.

Muzamir Mutyaba mu myitozo Kiyovu Sports yakoreye kuri Stade Umuganda kuri uyu wa Kane
Mbonyingabo Regis ukina inyuma ku ruhande rw'iburyo
Umutoza wongerera ingufu abakinnyi ba Kiyovu Sports
Umunyezamu Ishimwe Patrick na Nzeyurwanda Djihad bakinana na bagenzi babo
Nsabimana Aimable uri gusoza amasezerano muri Kiyovu Sports, yiteguye umukino wo ku wa Gatanu
Kapiteni wa Kiyovu Sports, Kimenyi Yves, mu myitozo yo kuri uyu wa Kane
Nshimirimana Ismaël 'Pitchou' na Bigirimana Abeddy bakoranye imyitozo n'abandi
Riyaad Norodien atera umupira kuri Stade Umuganda
Umutoza Mateso Jean de Dieu wasigaranye Kiyovu Sports
Team Manager wa Kiyovu Sports, Kigundu Ibrahim ’Baba’

Amafoto: Ntare Julius


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .