00:00:00 IGIHE NETWORK KN KINYARWANDA EN ENGLISH FR FRANCAIS

Kiyovu Sports yakiriye rutahizamu waturutse mu Burusiya

Yanditswe na Iradukunda Olivier
Kuya 2 September 2022 saa 10:46
Yasuwe :

Rutahizamu uturuka mu Burusiya, Vladislav Kormishin w’imyaka 27, yageze mu Rwanda, aho aje gukinira Kiyovu Sports FC. Aturutse mu ikipe yitwa FK Armavir yo muri Shampiyona yo mu Burusiya.

Kuri uyu wa Gatanu tariki ya 2 Nzeri 2022, nibwo yageze ku kibuga cy’indege cya Kigali. Uyu mukinnyi aje nyuma y’aho Kiyovu Sports yirutse kuri Emmanuel Arnold Okwi bikarangira ikuyeyo amaso.

Kiyovu Sports FC irashaka igikombe cya shampiyona nyuma y’aho icy’umwaka ushize kiyiciye mu myanya y’intoki. Yahaye amasezerano umutoza mushya n’abakinnyi bashya.

Uyu mukinnyi ni uwa kane ukomoka mu Burayi wakiriwe muri Kiyovu Sports FC nyuma y’Ababiligi babiri n’Umufaransa umwe bayiciyemo.

Vladislav Kormishin ariyongera ku Munyafurika y’Epfo, Riyaad Norodien ukina hagati wavuye muri Repubulika Iharanira Demokarasi ya Congo, aho yakinaga muri Daring Club Motema Pembe (DCMP).

Runanira Amza wakinaga muri Espoir FC na Iradukunda Bertrand wavuye muri Township Rollers yo muri Botswana nabo bazafatanya na Kiyovu Sports.

Kiyovu Sports yakiriye umukinnyi uturutse mu Burusiya. Ubwo yakirwaga ku Kibuga cy'indege cya Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .