Kiyovu Sports, Sunrise FC na Etincelles FC zabonetsemo abarwayi 13 ba COVID-19

Yanditswe na Eric Tony Ukurikiyimfura
Kuya 22 Ukuboza 2020 saa 10:32
Yasuwe :
0 0

Ibipimo biheruka gufatwa amakipe y’Icyiciro cya Mbere mu Rwanda byagaragaje ko Kiyovu Sports, Sunrise FC na Etincelles FC na zo zabonetsemo abakinnyi banduye COVID-19.

Guhera mu cyumweru gishize, Ishyirahamwe ry’Umupira w’Amaguru mu Rwanda (FERWAFA) ryatangiye gupimisha amakipe yose nyuma yo kubitigekwa na Minisiteri ya Siporo yahagaritse Shampiyona ku wa 12 Ukuboza 2020.

Mu kiganiro 10 Preview cyo kuri uyu wa Kabiri, Radio 10 yatangaje ko amakipe ya Kiyovu Sports, Sunrise FC na Etincelles FC yagaragayemo abantu 13 banduye COVID-19.

Yatangaje ko umukinnyi umwe ari we wanduye COVID-19 muri Kiyovu Sports, umunani muri Etincelles FC na bane barimo umuganga muri Sunrise FC.

Musanze FC yagaragayemo abakinnyi 10 na AS Muhanga yagaragayemo batanu ni andi makipe ibipimo bishya biheruka kugaragaza ko afite abakinnyi banduye COVID-19.

Minisiteri ya Siporo iherutse gutangaza ko mbere y’uko Shampiyona ihagarikwa ku wa 12 Ukuboza 2020, amakipe umunani yari yagarayemo COVID-19 ari Rayon Sports, APR FC, AS Kigali, Musanze FC, Marines FC, Rutsiro FC, Amagaju FC na Alpha FC.

FERWAFA iherutse gutumira abayobozi b’amakipe mu nama izaba ku wa Kane, izagaruka ku isubikwa rya Shampiyona no kungurana ibitekerezo ku cyakorwa ngo yongere gukomorerwa.

Ni mu gihe ku wa Mbere, iri Shyirahamwe ryatangaje ko amakipe ya Rayon Sports, Bugesera FC na AS Muhanga yaciwe amande kubera kutubahiriza ingamba zo kwirinda COVID-19.

Rayon Sports yahanishijwe kwishyura miliyoni 2 Frw kuko yakinnye na Rutsiro FC ifite abakinnyi bane banduye COVID-19 mu gihe Bugesera FC na AS Muhanga zahanishijwe kwishyura ibihumbi 500 Frw kuko zakinnye umunsi wa mbere wa Shampiyona zitaripimishije.

Kiyovu Sports iri mu makipe yagaragayemo ubwandu bwa COVID-19 mu bipimo biheruka gukoreshwa na FERWAFA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .