00:00:00 IGIHE NETWORK KN KINYARWANDA EN ENGLISH FR FRANCAIS

Karim Benzema yatowe nk’umukinnyi mwiza wa UEFA Champions League

Yanditswe na Mihigo Saddam
Kuya 31 May 2022 saa 01:32
Yasuwe :

Impuzamashyirahamwe y’umupira w’amaguru ku Mugabane w’u Burayi (UEFA) yemeje ko Umufaransa, Karim Mostafa Benzema usanzwe ari rutahizamu w’ikipe ya Real Madrid ari we mukinnyi wahize abandi mu irushanwa rya Champions League (2021-2022).

UEFA yemeje ko Karim Benzema ari umukinnyi w’umwaka w’imikino 2021-2022 nyuma y’ubushishozi bwakoze n’akananama gashinzwe ibijyanye na tekinike.

Benzema w’imyaka 34 y’amavuko yagize umwaka w’imikino mwiza nyuma yo gufasha Real Madrid gutwara igikombe cya shampiyona 2021-2022.

Muri shampiyona ya Espagne yakinnye imikino 32 akina iminota 2593 atsinda ibitego 27 anatanga imipira 12 yabyaye ibitego.

Nyuma yo gutwara igikombe cya shampiyona, Benzema yagize uruhare rukomeye mu gufasha Real Madrid gutwara igikombe cya UEFA Champions League.

Real Madrid yatwaye UEFA Champions League itsinze Liverpool igitego 1-0 ku mukino wa nyuma wakinwe kuwa Gatandatu tariki 28 Gicurasi 2022.

Mu mikino ya UEFA Champions League y’uyu mwaka, Karim Benzema yatsinze ibitego 15 arusha undi mukinnyi wese wari muri iri rushanwa.

Mu mikino 12 yakinnye muri UEFA Champions League, Benzema yakinnye iminota 1102, atsinda ibitego 15 anatanga umupira umwe wabyaye igitego.

Mu gutsinda ibitego byinshi, Benzema yakurikiwe na Robert Lewandowski wa Bayern Munich watsinze ibitego 13. Sebastien Haller wa Ajax yatsinze ibitego 11.

Karim Benzema anafite amahirwe yo gutwara umupira wa Zahabu
UEFA yahamije ko Karim Benzema ari we wahize abandi i Burayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .