00:00:00 IGIHE NETWORK KN KINYARWANDA EN ENGLISH FR FRANCAIS

João Félix yahawe ikarita y’umutuku nyuma y’umunsi umwe muri Chelsea

Yanditswe na Byiringiro Osée Elvis
Kuya 13 Mutarama 2023 saa 03:04
Yasuwe :

João Félix yahawe ikarita y’umutuku mu mukino we wa mbere muri Chelsea FC, aba umukinnyi wa mbere ubikoze muri Shampiyona y’u Bwongereza mu myaka umunani ishize.

Tariki 11 Mutarama 2023 ni bwo Chelsea yatangaje Félix nk’umukinnyi wayo mushya, yatijwe na Atletico Madrid yo muri Espagne kuri miliyoni 11 z’ama-Pound.

Uyu musore w’imyaka 24, mu mukino we wa mbere muri iyi kipe y’i Londres yakinagamo na Fulham, yaje kwerekwa ikarita y’umutuku ku munota wa 58.

Gukina iminota irenga 30 batuzuye byakozeho iyi kipe kuko yaje gutsindwa igitego cya kabiri, uba umukino wa gatandatu itsinzwe mu mikino umunani iheruka.

Chelsea FC yatsinzwe na Fulham ibitego 2-1, ikipe yari mu rugo yatsindiwe na Willian [25’] na Carlos Vinicius [73’] mu gihe impozamarira y’iy’i Londres yinjijwe na Kalidou Koulibaly.

Chelsea FC iri mu bihe bibi yaherukaga kubamo mu Ukuboza 1993. Kugeza ubu iri ku mwanya wa 10 aho irushwa amanota icumi na Manchester United ya kane.

Ibi kandi bije bikurikira gusezererwa muri FA Cup na Manchester City, bivuze ko iyi kipe isigaranye amahirwe muri UEFA Champions League.

Nyuma y’umukino, Umutoza wa Chelsea FC, Graham Potter, yemeye ko bari mu bihe bibi ariko bakwiye kuguma hamwe.

Yagize ati “Ni byo turi mu bihe bibi cyane n’abafana n’uko ndetse turabumva. Ni byiza ko twaguma hamwe tukagerageza kuva muri ibi bihe bidukomereye.”

Nubwo bimeze bityo, iyi kipe ifite imvune nyinshi cyane kandi ziganjemo abakinnyi igenderaho nka Raheem Sterling, Edouard Mendy, Wesley Fofana, Ben Chilwell na Reece James.

Hari kandi na Ruben Loftus Cheek, Christian Pulisic, N’Golo Kanté, Mason Mount, Armando Broja na Denis Zakaria wiyongereyeho ku mugoroba.

João Félix yahawe ikarita y’umutuku nyuma y’umunsi umwe muri Chelsea FC
João Félix yahawe ikarita y'umutuku nyuma yo gukorera ikosa myugariro wa Fulham, Kenny Tete
João Félix yageze muri Chelsea FC atijwe na Atletico Madrid yo muri Espagne

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .