Abakunzi b’ikipe ya Maccabi Tel Aviv bari berekeje mu Buholandi kwitabira umukino w’umunsi wa Kane wa Shampiyona ya Europa League ikipe ya Ajax Amsterdam yabatsinzemo ibitego 5-0. Ni umukino wabereye kuri Johan Cryuff Arena.

Ubwo o bajyaga ku kibuga bamwe muri bo baje kwibasirwa n’abigaragambyaga bashyigikiye abanya-Palestine bari mu ntambara na Israel, birangira benshi muri bo bakubiswe nubwo bari baje kureba umupira w’amaguru.

Abinyujije ku rubuga rwa X, Minisitiri w’umutekano muri Israel, tamar Ben-Gvir yatangaje ko ibyabaye bibabaje cyane.

Yagize ati “Abafana bari bagiye kureba umupira w’amaguru ariko baza guhura n’ibikorwa by’ivangura aho basagariwe kubera ko ari Abayahudi".

Polisi y’igihugu cy’u Buholandi yatangaje ko yamaze guta muri yombi abagera kuri 57 bashinjwa uruhare muri ubwo bugizi bwa nabi.

Minisitiri w’intebe wa Israel, Benjamin Netanyahu ndetse na Perezida w’iki gihugu Isaac Herzog bamaganye iki gikorwa, hahita hoherezwa indege zo gutabara.

Meya w’Umujyi wa Amsterdam Femke Halsema, yatangaje ko yari yakoze ibishoboka byose ngo ibuze abigaragambya kwegera Stade ya Ajax ariko byarangiye bibaye.

Abakunzi ba Maccabi Tel Aviv bari baje gushyigikira ikipe yabo

Kuri Johan Cryuff Arena abanya-Isiraheri bari bafite morale nubwo byarangiye banyagiwe

🔴#Fans of Israel's #Maccabi were attacked en masse on the streets of #Amsterdam.
They said the attackers were carrying #Palestinian flags and chanting "#FreePalestine". pic.twitter.com/Ll9GYazkRj

— News.Az (@news_az) November 8, 2024