Iranzi Jean Claude yerekeje mu Misiri

Yanditswe na Eric Tony Ukurikiyimfura
Kuya 15 Mutarama 2020 saa 10:56
Yasuwe :
0 0

Umukinnyi wa Rayon Sports ukina asatira izamu, Iranzi Jean Claude, yerekeje mu Misiri, aho agiye mu igeragezwa mu ikipe ya Aswan FC yo mu cyiciro cya mbere.

Iranzi yahagurutse i Kigali kuri uyu wa Kabiri yerekeza mu Misiri, aho azamara ibyumweru bibiri mu igeragezwa.

Aswan FC ni ikipe yashinzwe mu 1930, kuri ubu iri ku mwanya wa 18 ari na wo wa nyuma muri Shampiyona ya Misiri igeze ku munsi wa 13, ariko yo ikaba imaze gukina imikino 12 yabonyemo amanota umunani.

Mu mukino iheruka gukina, yanganyije na El Gouna FC igitego 1-1 mu gihe kuri uyu wa Kane izakirwa na Al Masry iri ku mwanya wa 11 n’amanota 15.

Iranzi yageze muri Rayon Sports muri Nyakanga umwaka ushize, ku masezerano y’imyaka ibiri, avuye muri APR FC yari amazemo umwaka umwe n’igice ayigarutsemo, avuye i Burayi aho yakinaga muri Slovakia ndetse akaba atarahiriwe muri Zesco United yari yamwifuje mbere yo kugaruka mu Rwanda.

Biteganyijwe ko uyu mukinnyi usanzwe unahamagarwa mu ikipe y’igihugu ’Amavubi’, azagaruka mu Rwanda tariki ya 30 Mutarama ndetse azasiba umukino Rayon Sports izahuramo na Espoir FC ku wa Gatandatu n’iy’irushanwa ry’Intwari rizasozwa tariki ya 1 Gashyantare 2020.

Iranzi Jean Claude yagiye gukora igeragezwa muri Aswan FC yo mu Misiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza