Iranzi Jean Claude yasubiye muri Rayon Sports

Yanditswe na IGIHE
Kuya 29 Ugushyingo 2020 saa 12:21
Yasuwe :
0 0

Rayon Sports yagaruye umukinnyi usatira izamu, Iranzi Jean Claude, wari umaze amezi atandatu akina muri Aswan FC yo mu cyiciro cya mbere mu Misiri.

Iranzi Jean Claude yatijwe mu Misiri mu mpera za Mutarama 2020 nyuma y’uko yari yakoze igeragezwa muri Aswan FC igihe cy’ibyumweru bibiri.

Kuri iki Cyumweru, ibinyujije kuri Twitter, Rayon Sports yatangaje ko Iranzi Jean Claude yamaze kuyigarukamo.

Yagize iti “Iranzi Jean Claude yagarutse mu rugo nyuma yo kumara amezi atandatu mu Misiri.”

Ubwo uyu mukinnyi yajyaga mu Misiri, amakipe yombi yari yumvikanye ko niyitwara neza ashobora kugurwa na Aswan FC, agakomeza kuyikinira.

Iranzi yageze muri Rayon Sports muri Nyakanga 2019, ku masezerano y’imyaka ibiri, avuye muri APR FC yari amazemo umwaka umwe n’igice.

Yakinnye kandi i Burayi muri Slovakia, mu gihe atarihiriwe muri Zesco United yo muri Zambia, yari yamwifuje mbere yo kugaruka mu Rwanda mu 2018.

Iranzi Jean Claude wari waratijwe mu Misiri, yasubiye muri Rayon Sports

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .