00:00:00 IGIHE NETWORK KN KINYARWANDA EN ENGLISH FR FRANCAIS

Iragire Saïdi yasabye Mukura VS gusesa amasezerano

Yanditswe na Habimana Sadi
Kuya 23 Kamena 2021 saa 07:24
Yasuwe :
0 0

Myugariro wo hagati wa Mukura Victory Sport et Loisirs, Iragire Saïdi nyuma yo gukomeza kuba mu gihirahiro bitewe n’uko yahagaritswe atazi icyo azira, yandikiye ubuyobozi bwayo abusaba kumurekura akitwa ko nta kipe afite aho kuguma yicaye iwe gusa.

Ni nyuma yo kumara ukwezi n’iminsi itandatu Iragire Saïdi ahagaritswe kubera ko imyitwarire ye yakemanzwe n’ubuyobozi bwa Mukura VS nk’uko byanditswe mu ibaruwa uyu myugariro yahawe mbere yo gukurwa mu mwiherero.

Ku wa 19 Kamena 2021 ni bwo Iragire yandikiye ubuyobozi bwa Mukura VS, abusaba ko biciye mu bwumvikane bw’impande zombi, yahabwa ibaruwa imurekura kabone n’ubwo agifitiye iyi kipe amasezerano y’umwaka umwe.

Muri iyi baruwa, uyu mukinnyi yibukije ubuyobozi bw’ikipe ye ko ingingo ya 7 n’iya 8 mu zikubiye mu masezerano yagiranye na yo, zitari kubahirizwa bityo bwamwemerera bukamurekura.

Amakuru IGIHE yamenye ni uko zimwe mu mpamvu zatumye uyu myugariro asaba gusesa amasezerano kandi agifitiye iyi kipe umwaka umwe, ari uko na n’ubu ataramenya impamvu yatumye ahagarikwa.

Iragire ahamya ko agihembwa nk’abandi ariko akazi ke ari ugukina bityo ko yumva adakwiye gukomeza guhembwa adakora.

Ni ku nshuro ya kabiri Iragire Saïdi yari asubiye muri Mukura VS nyuma yo kuyimaramo imyaka ibiri akayisigira Igikombe cy’Amahoro mu 2018 ubwo yerekezaga muri Rayon Sports FC ariko naho ntahagirire ibihe byiza bikarangira agarutse aho yita mu rugo.

Ibaruwa Iragire Saïdi yandikiye ubuyobozi bwa Mukura VS abusaba ko batandukana neza
Mu gihe gito amaze asubiye muri Mukura VS, ntabwo Iragire aryohewe n'ubuzima
Iragire Saïdi ntiyahiriwe muri Rayon Sports, ahitamo gusubira i Huye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .