00:00:00 IGIHE NETWORK KN KINYARWANDA EN ENGLISH FR FRANCAIS

Iradukunda Jean Bertrand azamara ukwezi hanze y’ikibuga

Yanditswe na Eric Tony Ukurikiyimfura
Kuya 3 Ukuboza 2021 saa 03:40
Yasuwe :

Rutahizamu mpuzamahanga w’Umunyarwanda ukinira Township Rollers yo muri Botswana, Iradukunda Jean Bertrand, agiye kumara ukwezi kumwe adakina nyuma yo kubagwa ivi.

Iradukunda wari wagize intangiriro nziza muri iyi kipe, yagize imvune mu myitozo yakurikiye umukino Township Rollers yatsinzemo BDF XI ibitego 2-0.

Uyu mukinnyi yabwiye IGIHE ko azaramara hanze ukwezi adakina nyuma y’uko yamaze kubagwa mu ivi ry’iburyo.

Ati “Nzasubira mu kibuga mu kwa mbere nibigenda neza.”

Iradukunda akinira Township Rollers guhera mu Ukwakira uyu mwaka.

Yayigiyemo nyuma y’umwaka umwe ari umukinnyi wa Gasogi United yagezemo muri Gicurasi 2020 ku masezerano y’imyaka ibiri, avuye muri Mukura Victory Sports yari yaragezemo muri Nzeri 2018.

Mu 2012 ni bwo Iradukunda yerekeje mu Isonga FC, ajya muri APR FC muri Kamena 2014 ubwo iyi kipe ya Gisirikare yatozwaga na Mashami Vincent.

Mu 2016, Iradukunda yagiye muri Bugesera FC ku masezerano y’umwaka umwe mbere yo kwerekeza muri Police FC yakiniye imyaka ibiri, abona kujya muri Mukura Victory Sports.

Yahamagawe bwa mbere mu Ikipe y’Igihugu y’Abatarengeje imyaka 17 mu 2012, akomereza mu batarengeje imyaka 20, U-23 n’Ikipe y’Igihugu Nkuru guhera mu 2014.

Iradukunda Bertrand yabazwe ivi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .