00:00:00 IGIHE NETWORK KN KINYARWANDA EN ENGLISH FR FRANCAIS

Inzozi zibaye impamo: Ijambo rya mbere Kylian Mbappé agitangazwa nk’umukinnyi wa Real Madrid

Yanditswe na Iradukunda Olivier
Kuya 3 June 2024 saa 08:32
Yasuwe :

Rutahizamu Kylian Mbappé w’imyaka 25 yamaze gutangazwa nk’umukinnyi mushya wa Real Madrid ndetse ahita agaragaza ko ari ikipe yari yarihebeye kuva mu bwana bwe.

Kuri uyu wa Mbere, tariki ya 3 Kamena 2023, ni bwo iyi kipe yo muri Espagne yatangaje umukinnyi wayo mushya nyuma y’igihe kirekire bivugwa ko impande zombi zamaze kumvikana.

Mbappé wahawe nimero icyenda (9) yifashishije ubutumwa yatanze ku mbuga nkoranyambaga ze agaragaza amafoto ari mu mwambaro wa Real Madrid akiri umwana ndetse ari kumwe na Cristiano Ronaldo wayihozemo.

Uyu Mufaransa yagize ati “Inzozi zibaye impamo. Ndishimye cyane kuba ndi umwe mu bagize ikipe yahoze ari inzozi zanjye ya Real Madrid. Ntabwo byoroshye gusobanura uko nezerewe ndetse n’uko ndi kwiyumva. Si njye uzabona duhuye, abafana ba Real Madrid, mwarakoze ku bufasha bw’akataraboneka.”

Yasinyanye na Real Madrid amasezerano azageza mu 2029, aho azahabwa miliyoni 12.8£ ku mwaka, miliyoni 128£ nk’agahimbazamusyi ko gusinya azabona mu gihe cy’imyaka itanu ndetse hakaba hari amafaranga azajya abona ku mashusho ye yacurujwe.

Mbappé wari ufite imyaka 14 mu 2012 yagaragaje amafoto ye asura ikibuga cy’imyitozo cya Real Madrid, Valdebebas.

Agiye mu ikipe iheruka kwegukana UEFA Champions League ku nshuro ya 15, iya gatandatu mu myaka 11 ishize, ndetse Mbappé yabwiwe ko akeneye gukina mu ikipe imufasha kurusha PSG yamushingiragaho kandi na bwo kwitwara neza i Burayi bigakomeza kugorana.

Ubwo Kylian Mbappé yasuraga ikibuga cy'imyotozo cya Real Madrid afite imyaka 14 gusa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .