00:00:00 IGIHE NETWORK KN KINYARWANDA EN ENGLISH FR FRANCAIS

Inyungu AS Kigali yiteze mu bufatanye n’irerero ryo mu Bubiligi

Yanditswe na Mihigo Saddam
Kuya 1 May 2022 saa 07:49
Yasuwe :

Ikipe ya AS Kigali Football Club ikina icyiciro cya mbere mu Rwanda yagiranye ubufatanye n’irerero ry’umupira w’amaguru ry’umunyarwanda uba mu gihugu cy’u Bubiligi.

Perezida wa AS Kigali, Shema Ngoga Fabrice amaze iminsi mu ruzinduko rw’akazi mu gihugu cy’u Bubiligi aho yahuriye na Habimana Jean Chrysostome ufite irerero rikomeye muri icyo gihugu.

Habimana Jean Chrysostome ni umunyarwanda uba mu gihugu cy’u Bubiligi mu mujyi wa Anvers. Irerero yahashyize rigiye kujya rifatanya na AS Kigali.

Mu masezerano y’ubufatanye impande zombi zagiranye harimo ko abana bo mu ikipe y’abato ya AS Kigali bazajya bahabwa amahirwe bakajya kwitoreza mu irerero rya Habimana Jean Chrysostome.

Irerero rya Habimana Jean Chrysostome ku mikoro rifite rizajya rifasha AS Kigali mu bijyanye n’ibikoresho by’ibanze by’umupira w’amaguru.

Ku ikubitiro, irerero rya Habimana Jean Chrysostome ryahaye AS Kigali imipira yo gukina, ibindi bikorwa bikazakurikira nyuma nk’uko amakuru yizewe IGIHE yamenye abihamya.

AS Kigali ni ikipe y’umupira w’amaguru yashinzwe mu 1999, ifashwa n’umujyi wa Kigali. Kuva icyo gihe imaze gutwara igikombe cy’Amahoro inshuro eshatu (2001, 2013, 2019).

AS Kigali ibitse ibikombe bibiri biruta ibindi (Super Cup) birimo icya 2013 na 2019, kuri ubu iri guhatana ngo itware igikombe cya shampiyona.

Amasezerano y'ubufatanye na Habimana Jean Chrysostome azatanga amahirwe ku bana bafite impano bajye kwitoreza i Burayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .