Inama ya UEFA izafatirwamo umwanzuro ku isozwa rya UEFA Champions League

Yanditswe na Eric Tony Ukurikiyimfura
Kuya 17 Mata 2020 saa 09:37
Yasuwe :
0 0

Ishyirahamwe ry’Umupira w’Amaguru ku mugabane w’Uburayi (UEFA) riri kwiga uburyo irushanwa rya Champions League rihuza amakipe yabaye aya mbere iwayo, ryasozwa tariki ya 29 Kanama 2020.

Umuyobozi wa UEFA,Aleksander Čeferin yaherukaga kuvuga ko amarushanwa yayo atazarenza tariki ya 3 Kanama, ariko bitewe n’umvuduko w’icyorezo cya Coronavirus, iyo tariki ishobora kwigizwa inyuma.

Komite Nyobozi ya UEFA n’abafatanyabikorwa bayo bazahura mu cyumweru gitaha, tariki ya 23 Mata, mu nama izigira hamwe uburyo amarushanwa yayo yahagaritswe n’icyo cyorezo azasozwamo.

Kimwe mu byemezo byitezwe muri iyo nama ni uko shampiyona zarangira kare hagendewe ku mwanzuro wa UEFA.

Hagendewe ku buryo icyorezo cya Coronavirus gikomeje kwibasira ibihugu bitandukanye i Burayi muri iyi minsi, umukino wa nyuma wa UEFA Champions League ushobora gushyirwa tariki ya 29 Kanama i Istanbul, uwa Europa League ugakinwa iminsi itatu mbere yaho i Gdańsk.

Hari gutekerezwa uburyo bubiri imikino isigaye yakinwamo. Ubwa mbere ni ugukina umukino ubanza n’uwo kwishyura muri ¼ na ½ nk’uko bisanzwe, muri Nyakanga na Kanama.

Uburyo bwa kabiri ni ugukina umukino umwe nyuma yo gusoza shampiyona zo mu bihugu, ikipe itsinzwe igasezererwa ndetse iyo mikino ikaba yaba mu gihe cy’icyumweru nk’irushanwa rito.

Amakipe ane mu umunani ni yo yamaze kubona itike ya ¼ cya UEFA Champons League mu gihe hari indi mikino ine yo kwishyura izaba ubwo iri rushanwa rizaba risubukuwe.

Muri Europa League, birasa n’ibigoye gupanga imikino yaho kuko imikino yose yo kwishyura muri 1/8 itarakinwa mu gihe hari ibiri ibanza, izahuza amakipe yo mu Butaliyani na Espagne, itarakinwe.

Liverpool yegukanye UEFA Champions League ya 2019 itsinze Tottenham ku mukino wa nyuma

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .