Imikino ya Europa League igeze ahakomeye izerekanwa kuri StarTimes

Yanditswe na Eric Tony Ukurikiyimfura
Kuya 15 Kanama 2020 saa 02:19
Yasuwe :
0 0

Irushanwa rya Europa League rigeze ahakomeye, aho ku Cyumweru no ku wa Mbere hazaba imikino ibiri ya ½, yombi izerekanwa kuri shene ya World Football ya StarTimes.

Europa League izasorezwa mu Mujyi wa Cologne mu Budage, izakomeza ku Cyumweru hakinwa umukino umwe wa ½ utegerejwe na benshi, aho uzahuza Manchester United na Seville.

Uyu mukino uzabera kuri RheinEnergieStadion guhera saa 21:00, ugiye guhuza amakipe yombi azi uko gutwara igikombe cy’iri rushanwa bimera.

Manchester United iheruka iri rushanwa mu 2017 ubwo yatozwaga na José Mourinho mu gihe Seville imaze kuryegukana inshuro eshanu.

Ni ku nshuro ya gatatu amakipe yombi agiye guhurira mu mikino ya UEFA kuko mu mwaka w’imikino wa 2017/18, yahuriye muri 1/8 cya Champions League, Seville FC itsindira Man United ku kibuga cyayo ibitego 2-1 nubwo mu mukino ubanza zari zanganyije ubusa ku busa.

Imikino ine ya ½ Manchester United iheruka gukina mu marushanwa ya UEFA, yose yarayitsinze irimo uwo mu 2007/08, 2008/09 na 2010/11 muri UEFA Champions League ndetse no mu 2016/17 muri Europa League.

Mu nshuro eshatu Seville FC iheruka kugera muri ½ cya Europa League, zose yarazitsinze inatwara igikombe.

Ku wa Mbere tariki 17 Kanama 2020, Inter Milan izakina na Shakhtar Donetsk mu wundi mukino.

Ni ku nshuro ya mbere Inter Milan yageze muri ½ cy’imikino y’i Burayi kuva mu mwaka w’imikino wa 2009/10 ubwo yanatwaraga UEFA Champions League ibifashijwemo na José Mourinho.

Inter Milan na Shakhtar Donetsk zimaze guhura inshuro imwe mu mikino ya UEFA, aho iyi kipe yo mu Butaliyani yatsinze Shakhtar Donetsk ibitego 3-1 mu mikino ibiri ya 2005/06.

Shakhtar irashaka kugera ku mukino wa nyuma wa Europa League ku nshuro ya kabiri dore ko ihaheruka mu mwaka w’imikino ya 2008/09, aho yatsinze Dynamo Kiev muri ½, yegukana igikombe itsinze Werder Bremen ku mukino wa nyuma.

Abakunzi b’umupira w’amaguru muri Afurika bazabasha kuryoherwa n’iyi mikino kuri StarTimes nk’ikigo kiyoboye ibindi mu ikoranabuhanga ryo gusakaza amashusho ya televiziyo.

Europa League izakomeza ku Cyumweru no ku wa Mbere haba imikino ibiri ya ½

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .