00:00:00 IGIHE NETWORK KN KINYARWANDA EN ENGLISH FR FRANCAIS

Imikino y’abakanyujijeho yakomeje, amwe mu makipe yihagararaho (Amafoto)

Yanditswe na Ntabareshya Jean de Dieu
Kuya 20 June 2022 saa 10:41
Yasuwe :

Irushanwa ry’abakanyujijeho mu Rwanda mu mikino itandukanye ryakomeje mu mpera z’iki cyumweru amwe mu makipe yari yatakaje iya mbere yinyara mu isunzu ashobora kwitwara neza.

Ku wa Gatandatu, tariki ya 18 Kamena 2022, ni bwo amakipe atandukanye yatangiye gukina imikino ya kabiri mu matsinda yayo mu rwego rwo gushaka itiki yo kwerekeza muri kimwe cya kane cy’irushanwa ‘Rwanda Re-birth Celebrations’.

Hari amwe mu makipe byari byitezwe ko ashobora gutsindwa ibitego byinshi bigendanye n’uko imikino ibanza byari byayagendekeye agatsindwa ibitego byinshi.

Muri ayo harimo Amis Sportif yari yatsinzwe ibitego 13-1 na Domino FC, yaje kwigaranzura Black Jaquar ikayitsinda ibitego 2-1.

Indi yatunguwe ni Ikipe y’Abafana ba Arsenal ku munsi wa mbere yari yitwaye neza itsinda iy’Abafana ba Liverpool mu Rwanda ariko muri iyi mikino y’umunsi wa kabiri yatunguwe na Akadege FC itsindwa 1-0 mu gihe kari katsinzwe umukino ubanza.

Indi mikino yabaye mu mpera z’iki cyumweru harimo iyo mu itsinda rya mbere yahuje Gikundiro Forever FC yatsinze ibitego 4-1 AC Bakunda mu gihe Technicien FC yigaranzuye Green Team iyitsinda ibitego 4-3.

Mu itsinda rya kabiri, Ikipe y’abafana ba Arsenal mu Rwanda, RAFC yatsinzwe na Akadege FC igitego kimwe ku busa, Liverpool Fans FC itsindwa na ASG 2-1.

Mu itsinda rya kane naho Etoile de Gisasa yanyagiwe ibitego 6-0 na ASV mu gihe Chelsea yatsinzwe na Muyange FC ya Salongo mu Karere ka Bugesera ibitego 2-1.

Indi mikino yari itegerejwe ku cyumweru yari yitezweho no gusiga hamenyekanya amakipe ashobora gukomeza yasubitswe bitewe ahanini n’ibikorwa byo gutegura Inama ya CHOGM 2022. Biteganyijwe ko izasubukurwa ku wa 1 Nyakanga 2022.

Black Jaguar FC yatsinzwe umukino wa kabiri biyigabanyiriza amahirwe
Amis Sportifs yatunguye Black Jaguar
Muri iyi mikino harimo ihangana rikomeye
Umuzamu wa Black Jaguar nyuma yo gutsindwa igitego
Domino FC yatunguwe no kunganya na Nunga FC
Nubwo ari imikino y'abakanyujijeho iba iryoheye ijisho
Ikipe ya Nunga FC yabashije kwihagararaho
Abafana baryoherwa no kongera kwihera ijisho ruhago

  Basketball na yo yatangiye

Muri ‘Rwanda Re-birth Celebrations’ biteganyijwe ko hazakinwa imikino itandukanye ariko mu bakanyujijeho; muri yo harimo Basketball, VolleyBall, Koga n’imikino yo gusiganwa ku magare.

Mu mpera z’iki cyumweru ni bwo hatangijwe imikino yo muri Basketball aho muri iri rushanwa hitabiriye amakipe icyenda y’abakanyujijeho muri Basketball kandi bamaze imyaka itatu badakina ndetse bakaba barengeje imyaka 30 y’amavuko.

Kuri ubu hari guhatana amakipe icyenda ari yo 30Plus Vet. BBC, Western Galary BBC, Imitari BBC, Oxygen vet. BBC, Les Fideles BBC, SOS Family, REG Vet BBC na Musanze Vet. BBC.

Muri Basketball biteganyijwe ko hazahembwa amakipe atatu ya mbere aho iya mbere izahembwa ibihumbi 300 Frw, iya kabiri ihembwe ibihumbi 200 Frw mu gihe iya gatatu izahabwa ibihumbi 100 Frw.

Iyi mikino iri kubera mu kigo cy'amashuri cya St Joseph Nyamirambo
Imikino ya Basketball nayo yatangijwe mu mpera z'iki cyumweru
Nyamata BBC ikomeje kwitwara neza muri iri rushanwa
Oxygene BBC na yo yitabiriye iyi mikino nubwo itari guhirwa n'urugendo
Nyamata BBC mu makipe yitabiriye iyi mikino
Ikipe ya Les Fideles yaserutse muri iri rushanwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .