Ikipe ya Zambia y’Abagore yavuye muri Chili nyuma y’iminsi 30 iri mu kato

Yanditswe na Bukuru JC
Kuya 29 Ukuboza 2020 saa 09:28
Yasuwe :
0 0

Bamwe mu bagize ikipe y’Igihugu ya Zambia y’Abagore, Copper Queens, basubiye mu miryango yabo kuwa Mbere nyuma y’ukwezi bari bamaze mu kato muri Chili kubera icyorezo cya Coronavirus.

Ikipe ya Zambia y’Abagore yagiye i Santiago gukina imikino ibiri ya gicuti n’ikipe y’Igihugu ya Chili ku wa 24 Ugushyingo mu rwego rwo kwitegura imikino Olempike izabera i Tokyo mu mwaka utaha.

Nyuma y’iminsi ibiri, Barbra Banda na Racheal Nachula bafashije Copper Queens gutsinda ikipe ya Chili ibitego 2-1 mu mukino wabereye kuri Estadio San Carlos de Apoquindo.

Gusa, ubwo haburaga amasaha make ngo hakinwe umukino wa kabiri hagati y’amakipe yombi, ku wa 1 Ukuboza 2020, wahise usubikwa kubera ko hari abakinnyi ba Zambia banduye COVID-19.

Nyuma yo gusanga abakinnyi basaga 10 baranduye, ikipe yose yashyizwe mu kato mu gihe cy’iminsi 14 ku busabe bw’inzego z’ubuzima muri Chili.

Ku wa 16 Ukuboza 2020, bamwe mu bagize ikipe ya Zambia bemerewe gutaha nyuma yo gusanga ari bazima, hasigarayo abandi batandatu.

Abasigaye muri Chili barimo abayobozi batatu n’abakinnyi batatu ari bo - Banda, Grace Chanda na Maylan Mulenga – bose bahagurutse i Santiago ku wa Gatandatu, bagera ku kibuga cy’indege cya Kenneth Kaunda i Lusaka ku wa Mbere.

Bamwe mu bagize ikipe y’Igihugu ya Zambia y’Abagore, Copper Queens, batashye nyuma yo kumara iminsi 30 mu kato muri Chili

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .