Ikipe ya University of Kigali yizeye kwitwara neza imbere ya Banki ya Kigali

Yanditswe na Eric Tony Ukurikiyimfura
Kuya 13 Ugushyingo 2019 saa 01:43
Yasuwe :
0 0

Ikipe y’Umupira w’Amaguru ya University of Kigali yizeye kwitwara neza mu mukino w’umunsi wa gatanu wa Shampiyona y’abakozi mu Rwanda (ARPST) uzayihuza na Banki ya Kigali ku wa Gatandatu tariki ya 16 Ugushyingo 2019.

Mu kiganiro yagiranye na IGIHE, Nshimiyimana Innocent, ushinzwe Siporo muri University of Kigali, yavuze ko nyuma yo gukura inota ku Ikipe ya Equity yatwaye iri rushanwa mu mwaka ushize, bizeye ko bazitwara neza imbere y’Ikipe ya Banki ya Kigali mu mukino utaha.

Ati ”Ni ubwa mbere twitabiriye iri rushanwa, twatangiye dusa n’abahuzagurika bituma dutsindwa imikino itatu ibanza. Ubushize twakinnye na Equity ifite igikombe giheruka tunganya nayo. Tuyibona nk’ikipe ikomeye mu yandi atandatu turi kumwe ku buryo tubona umukino utaha tuzahuramo na Banki ya Kigali PLC utaduteye ubwoba.”

Mu mikino ine Univeristy of Kigali imaze gukina muri iri rushanwa, yatsinzwe n’ikipe y’Uruganda rwenga ibinyobwa rwa SKOL ibitego 9-1, itsindwa n’ikipe y’abanyamakuru b’imikino ya AJSPOR ibitego 5-0 mbere yo gutsindwa na Volcano 3-0, ikanganya na Equity 1-1.

Kuba umubare w’ibitego iyi kipe yatsinzwe muri iyi mikino ikurikiranye waragiye ugabanuka, ngo bitanga icyizere cyo kwitwara neza mu mikino itaha.

Nshimiyimana yakomeje avuga ati "Dukina na SKOL abenshi ntibari bahari kuko twari mu bizamini bituma badutsinda byinshi. Urebye turi kuzamuka neza kandi tumaze kumenyera ku buryo twizeye ko mu mikino itaha natwe nta kipe izatuva imbere.”

Kaminuza ya Kigali yihaye intego yo guteza imbere siporo mu rwego rwo gufasha abakozi bayo kugira imibereho myiza, ndetse yiyemeje ko no mu mwaka utaha izaba ifite amakipe y’abanyeshuri ya Basketball na Volleyball akina amarushanwa atandukanye arimo na Shampiyona y’Igihugu.

Amakipe abaye aya mbere muri iyi mikino ya Shampiyona y’Abakozi bo mu bigo bya Leta n’ibyigenga, abona itike yo guhagararira u Rwanda ku rwego mpuzamahanga.

University of Kigali mu mukino yahuyemo n'ikipe y'abanyamakuru b'imikino mu Rwanda (AJSPOR)
Ikipe ya University of Kigali yizeye kwitwara neza imbere ya Banki ya Kigali PLC bazahura ku wa Gatandatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza