00:00:00 IGIHE NETWORK KN KINYARWANDA EN ENGLISH FR FRANCAIS

Rayon Sports ishobora kwisanga mu bihe nk’ibyo yanyuzemo umwaka ushize

Yanditswe na Iradukunda Olivier
Kuya 14 July 2022 saa 05:57
Yasuwe :

Abakunzi b’ikipe ya Rayon Sports FC baracyari kwibaza niba ikipe yabo itazanyura mu bihe nk’ibyo yanyuzemo umwaka w’imikino wa 2021/2022 bitewe ahanini n’uko iri kwitwara ku isoko ryo kugura abakinnyi.

Umwaka ushize w’imikino wasojwe Rayon Sports FC iri ku mwanya wa kane, ifite amanota 48 naho mu Gikombe cy’Amahoro, yakuwemo na APR FC muri ½ cy’irangiza.

Ni mu gihe umuyobozi wa Rayon Sports FC, Uwayezu Jean Fidèle yari yabwiye abakunzi b’iyi kipe ko ifite gahunda yo gutwara Igikombe cy’Amahoro hamwe n’icya Shampiyona.

Mu gihe umwaka w’imikino wari ku musozo, ikipe ya Rayon Sports FC yatandukanye n’abakinnyi bayo bagera kuri batanu. Muri abo bose yari yarabasinyishije umwaka ugitangira.

Mu bari bamaze igihe gito bayisinyiye harimo Kwizera Pierre, Mael Dindjeke, Sulleiman Sanogo na Elo Manga Steve. Uretse Manace Mutatu ni we wenyine wari warekuwe amazemo iminsi.

Kuri iyi nshuro iyi kipe yongeye gitandukana n’abakinnyi bagera kuri batandatu. Aba nabo nta gihe bari bamaze bemeranyijwe n’iyi kipe kuzayikinira.

Muri abo basezerewe harimo Habimana Hussain Eto’o, Nizigiyimana AbdulKarim McKenzi, Kwizera Olivier, Bukuru Christophe na Sekamana Maxime.

Muri rusange iyi kipe imaze gusezerera abakinnyi 11 muri iki gihe amakipe ari kwiyubaka mu buryo ubwo ari bwo bwose. Nubwo hari abakinnyi yirukanye ariko hari n’abo imaze igihe isinyishije, bazakorana na yo umwaka utaha wa 2022/23.

Mu bakinnyi izakoresha bashya harimo Ndekwe Félix wavuye muri AS Kigali, Iraguha Hadji wavuye muri Rutsiro FC, Raphael Osalue, Mucyo Didier Junior na Ishimwe Ganijuru Elie bakiniraga Bugesera.

Hari kandi Hirwa Jean de Dieu wakiniraga Marine Fc, Ngendahimana Eric wakiniraga Kiyovu Sports na Tuyisenge Arsène wakinaga mu ikipe ya Espoir FC.

Rayon Sports kandi yakoze igikorwa gikomeye cyo kuzana umutoza wavuye muri Kiyovu Sports FC, Haringingo Francis akaba ari we uzayitoza mu mwaka w’imikino wa 2022/23.

Rayon Sports FC ntiratangaza igihe izakorera Rayon Sports Day. Muri iki gikorwa yerekana abakinnyi, abatoza, abaterankunga n’imyambaro izakoresha.

Ishimwe Kevin wabanye na Rayon Sports igihe kirekire ntibazakomezanya
Kwizera Olivier na we ntabwo azakomeza gukorana na Rayon Sports
Ndekwe Felix wasinyishijwe na Rayon Sports akaba azayikinira umwaka utaha
Nizigiyimana Karim MacKenzi ari mu bakinnyi batazakomezanya na Rayon Sports muri uyu mwaka w'imikino

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .