00:00:00 IGIHE NETWORK KN KINYARWANDA EN ENGLISH FR FRANCAIS

Icyumweru cy’imikino kuri Startimes: Hazaca uwambaye hagati ya APR FC na Rayon Sports, Juventus na Inter

Yanditswe na Mihigo Saddam
Kuya 10 May 2022 saa 11:54
Yasuwe :

Binyuze kuri dekoderi ya Startimes, abakunzi ba ruhago y’u Rwanda, Afurika no ku mugabane w’u Burayi, muri iki cyumweru nta rungu bazagira kuko bazabasha gukurikirana Umukino uzahuza Rayon Sports na APR FC.

Umukino uzahuza APR FC na Rayon Sports ni umwe mu mikino y’imboneka rimwe muri ruhago Nyarwanda. Kuva aya makipe yabaho ntajya akina umukino wa gicuti hagati yayo, kenshi ahuzwa n’igikombe.

Kuri uyu wa Gatatu, ikipe ya Rayon Sports izakira APR FC mu mukino ubanza wa ½ mu irushanwa ry’igikombe cy’Amahoro.

Uyu ni umukino uzwi nka Classico yo mu Rwanda uhuza amakipe y’amakeba guhera mu 1995 kugeza ubu. Ni nayo makipe afite ibikombe byinshi bya shampiyona y’u Rwanda uko kuri ubu ikipe ya APR FC ifite ibikombe 19, igakurikirwa na Rayon Sports ifite ibikombe 9.

Undi mukino utoroshye wo muri icyo cyiciro, AS Kigali ibitse igikombe izahura na Police FC iheruka gutwara iri rushanwa mu 2015.

Iyi mikino y’ishiraniro yose izaca kuri Magic Sports TV shena ya CH 265 na CH 251, iri kuri StarTimes muri Classic cyangwa Smart Bouquet (Dish).

Ubusanzwe iyi shene ya Magic Sports TV niyo isanzwe yerekana imikino yo mu Rwanda.

Amakipe ane asigaye mu gikombe cy’Amahoro azakina imikino ibanza n’iyo kwishyura. Amakipe azakomeza azahurira ku mukino wa nyuma.

Uretse kuba Startimes izerekana igikombe cy’Amahoro, abagira dekoderi yayo bazanaryoherwa bareba umukino wa nyuma w’igikombe cy’u Butaliyani cya 2022.

Umukino wa nyuma wa Coppa Italia uzakinwa kuwa Gatatu tariki 11 Gicurasi 2022 saa tatu z’umugoroba ku masaha yo mu Rwanda (21:00’), hagati ya Inter Milan na Juventus.

Aya makipe agiye guhura muri iri rushanwa rya Coppa Italia ari mu yafite ibikombe byinshi.

Inter Milan iheruka gutwara iri rushanwa mu 2011 mu gihe Juventus ariyo ibitse igikombe cya 2021.

Ni umukino uzaba utoroshye uzaca kuri StarTimes shene ya World Football CH 254 na CH 245 (Dish).

Abatunze Startimes kandi bazaroherwa n’imikino yo kwishyura ya ½ cy’irangiza mu marushanwa ya CAF yaba CAF Champions League na Confederation Cup 2021-2022.

Kuwa Gatanu tariki 13 Gicurasi 2022 guhera saa tatu z’umugoroba, Wydad Casablanca izakira Petro de Luanda, umukino uzanyura kuri World Football.

Ni umukino wo kwishyura wa ½ cy’irangiza muri CAF Champions League. Umukino ubanza wasize Wydad itsinze Petro ibitego 3-1.

Kuri izi shene kandi niho hazaca umukino uzahuza ES Setif na Al Ahly guhera saa tatu kuwa Gatandatu. Umukino ubanza, Al Ahly ibitse igikombe yatsinze Es Setif ibitego 4-0.

Gahunda izakomeza ku Cyumweru tariki 15 Gicurasi 2022.Orlando Pirates izakira Al Ahly Tripoli guhera saa kumi n’ebyiri. Umukino uzanyura kuri World Football.

Umukino ubanza, Orlando Pirates yatsinze Al Ahly Tripoli ibitego 2-0.

Muri ½ cy’irangiza cya CAF Confederation Cup kandi, guhera saa yine z’ijoro RS Berkane izakira TP Mazembe. Umukino ubanza, TP Mazembe yatsinze igitego 1-0.

Kuwa Gatandatu no ku Cyumweru kandi imikino ya shampiyona ya Espagne n’u Budage nayo izatambuka kuri shene zitandukanye za Startimes

Muri Bundeslinga y’u Budage (Kuwa Gatandatu):

Saa 15:30: Wolfsburg vs Bayern München

Saa 15:30: Borussia Dortmund vs Hertha.

Muri shampiyona ya Espagne (Ku Cyumweru):

Saa 18:30 Atletico vs Seville kuri Sports Premium

Saa 18:30 FC Barcelone vs Getafe kuri Sports Arena

Saa 18:30 Real Madrid vs Cadiz Kuri Sports Life

Izi shene zose yaba Magic Sports CH 265 na CH 251 na Sports Focus kimwe na ST World football wongeyeho n’izindi z’imikino nka ESPN icaho NBA, ziboneka kuri StarTimes muri bouquet ya Classic igura 8000frw ku kwezi.

Ushobora kandi kwishyura 2700 frw ukareba icyumweru, n’indi ya Smart bouquet uyisanga ku bakoresha antene y’igisahani igura 8500 frw ku kwezi, 2850 frw ku cyumweru.

Izi bouquet nizo wasangaho shene nyinshi z’imikino kuri StarTimes, no kuri App ya StarTimes ON.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .