Ni wo mukino wa mbere wa Shampiyona wabereye muri Stade Amahoro kuva yavugururwa igashyirwa ku rwego rwo kwakira abafana ibihumbi 45 bicaye neza.

Wari witezwe cyane kubera amagambo yari yatangajwe na Perezida wa Gasogi United, Kakooza Nkuriza Charles (KNC), avuga ko azatsinda Gikundiro mu buryo bworoshye cyane, gusa byarangiye bimunaniye.

Si ibyo gusa kandi kuko wari urenze kuba umukino wa ruhago kuko uyu mugabo yari yakoze iyo bwabaga ashaka abafite amazina akomeye mu myidagaduro y’u Rwanda ngo bazasusurutse abitabira uyu mukino.

Mbere y’umukino, abari muri Stade Amahoro basusurutswaga n’aba DJ batandukanye nka Dj Crush, DJ Caspi na Miss Muyango Claudine wari uyoboye ibi birori.

Mu karuhuko k’igice cya mbere, ibintu byahinduye isura ubwo DJ Marnaud n’ababyinnyi be, DJ Brianne na Dj Sonia bajyaga ku rubyiniro.

Mu gususutsa abantu, babifashwagamo n’abandi nka General Benda umaze kwamamara mu kubyina, Semuhungu Eric n’abandi benshi. Kubera uburyohe bwarimo, iminota isanzwe yo kuruhuka yongeweho iminota itanu iba 20.

Muri iyi nkuru tugiye kugaruka ku bihe by’ingenzi byaranze uyu mukino by’umwihariko hanze y’ikibuga mu buryo bw’amafoto ya Kasiro Claude na Kwizera Hervé.

Abafana batangiye kwinjira muri Stade hakiri kare

Umufana ukomeye wa Rayon Sports, Rwarutabura ni umwe mu bagera muri Stade kare

Abafite ubumuga ntabwo batanzwe

Miss Muyango niwe wayoboye ibi birori

DJ Crush yabimburiye abandi ku rubyiniro

Djihad na DJ Sonia babyina gake gake

DJ Brianne na Miss Muyango

Semuhungu yari yizihiwe bikomeye

Eric Semuhungu na DJ Sonia bacinya umuziki

DJ Brianne na bagenzi be bafata amashusho y'urwibutso

DJ Sonia ni umwe mu bitabiriye uyu mukino

Umuyobozi w'Abafana ba Gasogi United, Angelbert Mutabaruka (uwa kabiri ivuye ibumoso)

Abafana ba Gasogi United bagaragaza ko bashyigikiye APR FC iri mu Mikino Nyafurika

Abafana ba Rayon Sports bari babukereye

Umufana ukomeye wa Rayon Sports, Gacuma wa Kicukiro

Uyu mugabo yatangaga ubutumwa bwo kwirinda icyorezo cy'ubushita no kugira isuku

DJ Caspi ni umwe mu basusurukije abitabiriye uyu mukino

Kwizera Emelyne uheruka kurikoroza ubwo yifotozanyaga na The Ben ni umwe mu bitabiriye uyu mukino

Abakinnyi 11 Rayon Sports yabanje mu kibuga

Abakinnyi 11 Gasogi United yabanje mu kibuga

Muderi Akbar ahanganye na Niyonzima Olivier Seif

Umunyezamu wa Gasogi United, Ibrahema Dauda yakuyemo imipira myinshi

Harerimana Abdoulaziz ni umwe mu bagize umukino mwiza

Charles Bbaale yahushije ibitego byinshi

DJ Marnaud yageze ku rubyiniro bihindura isura

DJ Brianne yasusurukije abantu mu karuhuko k'igice cya mbere

DJ Brianne ni umwe mu bishimiwe

Semuhungu yabyinnye biratinda

Semuhungu yanyuzagamo agakora ibizwi nka 'Twerking'

DJ Marnaud yifashishije nyinshi mu ndirimbo ze zakunzwe

Mu karuhuko k'igice cya mbere hahiye

Umubyinnyi General Benda yari ahabaye

DJ Marnaud yageze no mu bafana

Ubwo DJ Marnaud n'ababyinnyi be bari bageze ku ndirimbo ye yakunzwe cyane "WE Outside" izwi nka "Tuliwawelu"

Bamenya na Clapton Kibonke bamamaye muri Sinema Nyarwanda bari bizihiwe

Abakinnyi ba Rayon Sports bishimira igitego

Charles Bbaale yishimira igitego cyatandukanyije impande zombi

Aziz Bassane na Nsabimana Aimable nyuma yo kwangirwa igitego cya kabiri

Umusifuzi w'igitambaro yanga igitego cya Aziz Bassane wari waraririye

Umutoza wa Rayon Sports, Robertinho, yishimira amanota atatu ya mbere muri Shampiyona

Amafoto: Kasiro Claude & Kwizera Hervé

Video: Bizimana Confiance & Rwibutso Jean Damour