Haruna Niyonzima na Michael Sarpong bagaragaye baberewe muri costume za Yanga SC

Yanditswe na Eric Tony Ukurikiyimfura
Kuya 30 Kanama 2020 saa 01:26
Yasuwe :
0 0

Kapiteni w’ikipe y’Igihugu ‘Amavubi’, Haruna Niyonzima n’Umunya-Ghana Michael Sarpong uheruka kuva muri Rayon Sports bagaragaye muri ‘costume’ nziza z’ikipe ya Yanga SC ikina na Aigle-Noir yo mu Burundi kuri iki Cyumweru.

Michael Sarpong aheruka gusinyira iyi kipe yo muri Tanzania, aho yatanzweho agera kuri miliyoni 50 Frw.

Aba bakinnyi bombi bari mu bo Yanga SC iri mu makipe abiri akunzwe kurusha ayandi muri Tanzania, izakoresha mu mwaka utaha w’imikino wa 2020/21.

Mbere yo gukina na Aigle Noir yo mu Burundi, mu mukino wa gicuti utegurwa na Yanga SC wiswe “Wananchi Day”, iyi kipe ivuga ko ari “iy’abaturage”, yafashe ifoto rusange y’abakinnyi bampaye ‘costume’ y’umukara iriho ikirango cya Yanga SC n’icya sosiyete ya GSM iyitera inkunga.

Mu butumwa yakurikije ifoto ye yashyize kuri Instagram, Haruna Niyonzima yakanguriye abafana ba Yanga SC kwitabira umukino bafite kuri iki Cyumweru kuri Benjamin Mkapa Stadium.

Ati “Umunsi mwiza w’abaturage, byose ni ruhago. Ikaze kuri Mkapa [Stade]”

Yanga SC izatozwa n’Umunya-Serbie Zlatko Krmpotić wigeze gutoza APR FC, izahagararira Tanzania muri CAF Champions League ya 2020/21.

Abakinnyi ba Yanga SC bifotoje bambaye costume mbere ya Wananchi Day, umunsi w'iyi kipe wizihijwe kuri iki Cyumweru
Kapiteni w'Amavubi, Haruna Niyonzima (iburyo) ni umwe mu bakinnyi bamaze gukina igihe kirekire muri Yanga SC
Umunya-Ghana Michael Sarpong (imbere) yagiye muri Yanga SC mu cyumweru gishize
Zlatko Krmpotić w'imyaka 62, yemejwe nk'umutoza mushya wa Yanga SC ku wa Gatanu w'iki cyumweru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .