Hari umukinnyi wa FC Barcelone wanduye Coronavirus

Yanditswe na Eric Tony Ukurikiyimfura
Kuya 12 Kanama 2020 saa 07:25
Yasuwe :
0 0

Ubuyobozi bwa FC Barcelone bwatangaje ko hari umwe mu bakinnyi bayigize wasanzwemo icyorezo cya COVID-19.

FC Barcelone yatangaje ko uwanduye Coronavirus ari umwe mu bakinnyi icyenda batangiye imyitozo bitegura umwaka utaha w’imikino.

Iyi kipe yo muri Espagne, yavuze ko kandi uwanduye nta bimenyetso agaragaza ndetse yashyizwe mu kato iwe mu rugo.

Uyu muntu yagaragaye mu gihe FC Barcelone izerekeza i Lisbon muri Portugal kuri uyu wa Kane, aho izakina na Bayern Munich ku wa Gatanu muri ¼ cya UEFA Champions League.

FC Barcelone yavuze ko uwagaragaye yanduye Coronavirus ntaho yahuriye n’abakinnyi b’ikipe ya mbere mu gihe hakiri kurebwa abahuye na we bose ngo bapimwe.

FC Valence nayo yo muri Espagne, yemeje abarwayi babiri ba Coronavirus mu gihe Atlético Madrid yitegura Champions League, yemeje babiri ku Cyumweru.

Ikipe ya Atlético Madrid y’abagore yasubitse imyitozo nyuma yo kubona abandi barwayi bane bashya ba Coronavirus.

FC Barcelone izakina na Bayern Munich ku wa Gatanu mu gihe Atlético Madrid izahura na RB Leipzig ku wa Kane.

Umwe mu bakinnyi ba FC Barcelone utatangajwe, yasanzwemo Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .