Hakizimana Muhadjili wa APR FC yatowe nk’umukinnyi w’umwaka

Yanditswe na Ishimwe Israel
Kuya 19 Ukwakira 2018 saa 08:28
Yasuwe :
0 0

Umukinnyi uri mu bakomeye muri APR FC, Hakizimana Muhadjili, yatowe nk’umwiza mu mwaka wa Shampiyona y’Umupira w’Amaguru mu Rwanda ya 2017/18.

Umuhango wo gutanga ibihembo byateguwe n’Ishyirahamwe ry’Umupira w’Amaguru mu Rwanda (Ferwafa) na Azam TV wabereye muri Marriott Hotel ku mugoroba wo ku wa 18 Ukwakira 2018.

Muhadjili wafashije APR FC kwegukana Igikombe cya Shampiyona mu mwaka ushize yahigitse Bizimana Djihad bakinanaga aza kwerekeza muri Waasland-Beveren yo mu Bubiligi na Ndarusanze Jean Claude wa AS Kigali.

Umutoza wa Mukura VS, Haringingo Christian Francis yahembwe nk’uwigaragaje mu mwaka ushize w’imikino.

Abitwaye neza batowe n’itsinda ry’abantu 48 barimo abatoza 16 na ba kapiteni 16 bo mu makipe yo mu cyiciro cya mbere n’abanyamakuru 16 bajonjoye abitwaye neza mu byiciro bitandatu byahatanirwaga.

Urutonde rw’abahembwe:

- Umukinnyi w’umwaka: Hakizimana Muhadjili (APR FC)

- Umunyezamu w’umwaka: Kimenyi Yves (APR FC)

- Umukinnyi ukiri muto (U-21) w’umwaka: Muhire Kevin (Rayon Sports FC)

- Umutoza w’umwaka: Ruremesha Emmanuel (Etincelles/Musanze)

- Umutoza wigaragaje mu mwaka ushize w’imikino: Haringingo Christian Francis (Mukura VS)

Muri uyu muhango hanatangajwe ikipe y’abakinnyi 11 bitwaye neza muri Shampiyona.

Aba barimo Kimenyi Yves (APR FC), Ombolenga Fitina (APR FC), Rutanga Eric (Rayon Sports FC), Rwatubyaye Abdoul (Rayon Sports FC), Manzi Thierry (Rayon Sports FC), Mugheni Kakule Fabrice (Kiyovu Sports), Bizimana Djihad (APR FC na Waasland-Beveren yo mu Bubiligi), Muhire Kevin (Rayon Sports FC), Muhadjili Hakizimana (APR FC), Manishimwe Djabel (Rayon Sports FC) na Ndarusanze Jean Claude (AS Kigali).

Ibi bihembo byatanzwe mu gihe Shampiyona y’u Rwanda itangira kuri uyu wa 19 Ukwakira 2018.

Hakizimana Muhadjili wa APR FC watowe nk’umukinnyi w’umwaka yashyikirijwe igihembo na Perezida wa Ferwafa, Sekamana Jean Damascène
Ndarusanze Jean Claude wa AS Kigali ni we watsinze ibitego byinshi muri shampiyona iheruka
Umunyezamu w’umwaka yabaye Kimenyi Yves wa APR FC
Umukinnyi ukiri muto (U-21) w’umwaka yabaye Muhire Kevin (Rayon Sports FC)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza