Kuri uyu wa Gatandatu, tariki ya 13 Kamena 2025, ni bwo APR FC yasinyishije umunyezamu nyuma yo gutandukana n’abakinnyi batandatu barimo n’uwari umunyezamu wa mbere Pavelh Ndzila.

APR FC ikomeje kwiyubaka yamaze gusinyisha Hakizimana Adolphe wakiniraga AS Kigali, imuha amasezerano y’imyaka itatu, akazafatanya na Ishimwe Jean Pierre ushobora kuba umunyezamu wa mbere muri iyi kipe.

Hakizimana Adolphe w’imyaka 23 yasinyiye iyi kipe nyuma yo kuvugwa muri Police FC. Mu yandi makipe akomeye yakiniye harimo Rayon Sports yavuyemo mu Ukuboza 2023, ayimazemo imyaka ine.

Uyu yiyongereye ku bandi bakinnyi bashya ba APR FC imaze kwinjiza b’Abanyarwanda ari bo Bugingo Hakim, Iraguha Hadji, Ngabonziza Pacifique na Ronald Ssekiganda ukomoka muri Uganda.

Hakizimana Adolphe yasinye imyaka itatu muri APR FC

Hakizimana Adolphe ashobora kuba umunyezamu wa kabiri wa APR FC