Habimana Sosthène yahawe Amavubi y’Abagore, ahamagara 24 bitegura umukino wa Congo Kinshasa

Yanditswe na Eric Tony Ukurikiyimfura
Kuya 19 Werurwe 2019 saa 06:46
Yasuwe :
0 0

Nyuma y’igihe cyari gishize nta kipe afite, Habimana Sosthène yagizwe umutoza w’ikipe y’igihugu y’Abagore, ahita atangaza abakinnyi 24 azifashisha ku mukino mpuzamahanga wa gicuti bazahuramo n’Ikipe y’igihugu Olempike ya Congo Kinshasa.

Habimana waherukaga gutoza ikipe y’Amagaju mu mpera z’umwaka ushize w’imikino, yaherukaga kandi mu ikipe y’igihugu ubwo yari yungirije Nyinawumntu Grace mu gihe Amavubi y’Abagore yakinaga CECAFA yabereye i Kampala muri Nzeri 2016.

Uyu mutoza yavuze ko yishimiye kongera kugirirwa icyizere mu ikipe y’igihugu, ndetse yiteguye gukorana na bagenzi be ku mukino bazahuramo na Congo Kinshasa ku Cyumweru tariki ya 24 Werurwe kuri Stade Umuganda mu Karere ka Rubavu.

Ikipe y’igihugu iratangira umwiherero uyu munsi mu gihe imyitozo yo izatangira kuri uyu wa Mbere mu gitondo saa tatu (09:00) kuri Stade Umuganda.

Uyu mukino ngo uzafasha u Rwanda kwitegura CECAFA y’abagore izabera muri Tanzania mu Ugushyingo uyu mwaka.

Abakinnyi bahamagawe

Abanyezamu: Nyirabashyitsi Judith (Baobab Queens, Tanzania), Uwizeyimana Hélène (AS Kigali), Uwatesi Hamida (EAV Kabutare)

Ba Myugariro: Mukantaganira Joselyne (AS Kigali), Nyirahabimana Anne (Scandinavia WFC), Nyiransanzabera Milliam ( Rambura), Maniraguha Louise (AS Kigali), Uwimbabazi Immaculée (Kamonyi), Nibagwire Sifa Gloria (AS Kigali), Kayitesi Alody (As Kigali), Niyonkuru Marie Goreth (ES Mutunda), Mutuyimana Albertine (Kamonyi).

Abakina hagati: Kalimba Alice (AS Kigali), Mukandayisenga Nadine (Scandinavia), Mukeshimana Jeannette (AS Kigali), Uwase Andorsene (ES Mutunda), Umwariwase Dudja (AS Kigali), Niyomugaba Sophie (AS Kigali).

Ba rutahizamu: Kankindi Fatuma (Scandinavia), Ibangarye Anne Marie (AS Kigali), Nibagwire Libery (AS Kigali), Iradukunda Callixte (AS Kigali), Uwamahoro Béatrice (Kamonyi) na Mushimiyimana Marie Claire.

-  Umutoza mukuru: Habimana Sosthène
-  Umtoza wungirije: Mbarushimana Shabani
-  Umutoza wungirije: Umunyana Séraphine
-  Umutoza w’abazamu: Safari Mustafa Jean Marie Vianney
-  Umuganga: Ujeneza Jennifer
-  Ushinzwe ibikoresho: Uwase Ange Nicole

Habimana Sosthène yahawe kuba umutoza w'Amavubi y'Abagore
Ujeneza Jennifer uzita ku bakinnyi b'ikipe y'igihugu y'abagore mu bijyanye n'ubuvuzi
Mbarushimana Shabani wungirije mu ikipe y'abagore
Safari Mustafa umutoza w'abanyezamu mu ikipe y'abagore

Amafoto: Ntare Julius


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza