00:00:00 IGIHE NETWORK KN KINYARWANDA EN ENGLISH FR FRANCAIS

Gold Reef City Theme Park Hotel Amavubi acumbitsemo yateje impaka (Amafoto)

Yanditswe na Mihigo Saddam
Kuya 30 May 2022 saa 03:59
Yasuwe :

Ikipe y’igihugu y’u Rwanda y’umupira w’amaguru, Amavubi Stars iri kubarizwa mu mujyi wa Johannesburg muri Afurika y’Epfo aho izahurira na Mozambique mu mikino y’amatsinda yo gushaka itike ya CAN ya 2023. Iyi kipe icumbitse muri Gold Reef City Hotel.

Gold Reef City Theme Park Hotel ni hoteli y’inyenyeri enye iherereye mu bilometero umunani uva mu Mujyi wa Johannesburg rwagati. Iri hafi ya Stade ya FNB izakira umukino u Rwanda ruzahuriramo na Mozambique kuri uyu wa Kane hakinwa umukino wa mbere w’amatsinda.

Kuri iki Cyumweru nibwo ikipe y’u Rwanda yageze muri Afurika y’Epfo icumbika muri Gold Reef City Hotel aho banahagurutse bakora urugendo rw’amaguru kuri uyu wa Mbere.

Impaka ni zose hirya no hino ku mbuga nkoramyambaga aho bamwe bavuga ko iyi hoteli iri ku rwego rudakwiye u Rwanda bitewe n’ingano yayo ndetse n’aho iri.

Amakuru ava imbere mu bakinnyi bari mu Mavubi avuga ko bamwe bayinenze ko iri ahantu haba urusaku rw’abana bakina mu byicungo.

Ikindi abakinnyi batishimira ni urusaku rw’ababa bakina imikino ya Casino bityo umutuzo waho ukaba udahagije ku muntu witegura umukino.

Umwe muri aba waganiriye na IGIHE yagize ati “Ntabwo ari hoteli mbi kuko hari isuku na serivisi nziza. Gusa wenda uyigereranyije n’izo mu Rwanda ubona ko ziyiruta.”

Yakomeje agira ati “Ntabwo ari ahantu hatuje. Twahageze ari mu mpera z’icyumweru haba hari abantu bahasohokeye banafite abana bakina mu byicungo. Haba hari n’urusaku rw’abakina Casino.”

Kimwe mu byumba by'inama bya Gold Reef City Hotel
Igikoresho kifashishwa n'abasohokera kuri iyi hoteli bumva umunyenga
Ni hoteli igeretse rimwe
Ibyicungo abana bakoresha bivugwa ko bisakuza
Ubwogero bw'aho Amavubi acumbitse
Muri Gold Reef City Theme Park Hotel hari aho usanga harimo igitanda kimwe n'ahaba hari bibiri
Iyi hoteli iri hafi ya FNB Stadium ahazabera umukino w'u Rwanda na Mozambique

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .