Ni umukino wabaye mu rukerera rwo kuri iki Cyumweru, tariki ya 15 Kamena 2025, ubera mu mujyi wa Miami ku kibuga cya Hard Rock Stadium, uyoborwa n’umusifuzi w’Umunya-Iran, Alireza Faghani.

Wabimburiwe n’ibirori byo gutangiza iri rushanwa ry’amateka, rigiye guhuriza hamwe amakipe yabaye aya mbere ku migabane itandukanye ku Isi.

Benshi bari bategereje uyu mukino bizeye ko hari ibitangaza bidasanzwe rutahizamu Lionel Messi aza gukora muri iyi kipe iri mu zihagarariye Afurika, ariko igice cya mbere cyerekana ibitandukanye.

Ni igice Al Ahly yahushije uburyo bwinshi bwo kubona ibitego ariko umunyezamu wa Inter Miami, Oscar Ustari, yigaragaza bidasanzwe ayibuza kureba mu izamu hakiri kare.

Al Ahly yahushije igitego ku munota wa cyenda ubwo Emam Ashour ukina mu kibuga hagati yakiraga umupira ari mu rubuga rw’amahina, ariko ateye mu izamu ishoti rikomeye Ustari arikuramo.

Wessam Abou Ali wa Al Ahly yatsinze igitego ku munota wa 31, ariko umusifuzi amumenyesha ko habanje kubamo kurarira aracyanga, mbere y’uko Achraf Dari ahusha ikindi gitego cyari cyabazwe nanone Ustari agatabara Inter Miami.

Mbere y’uko igice cya mbere kirangira, Telasco Segovia yakoze ikosa mu rubuga rw’amahina, umusifuzi atanga penaliti kuri Al Ahly, ariko rutahizamu wayo Mahmoud Trézéguet ayiteye Ustari ayikuramo.

Uburyo bukomeye bwa Inter Miami bwabonetse ku munota wa 51 mu gice cya kabiri, ubwo Tadeo Allende yateraga ishoti ariko umunyezamu wa Al Ahly, Mohamed El Shenawy, awukuramo.

Lionel Messi yari hafi kubona igitego ku munota karindwi mu y’inyongera kuri 90 y’umukino, ariko ishoti yateye mu izamu Mohamed El Shenawy aryohereza muri koruneri.

Amakipe yombi yagabanye amanota buri imwe igira rimwe ndetse ziyobora n’Itsinda A, mu gihe amakipe birisangiye ari yo FC Porto yo muri Portugal na Palmeiras yo muri Brésil zitarakina.

Imikino y’Igikombe cy’Isi cy’Amakipe itegerejwe kuri iki Cyumweru, tariki ya 15 Kamena, hari uhuza Bayern Munich na Auckland City, ndetse n’uhuza Atletico Madrid na Paris Saint-Germain.

Wari umukino utegerejwe na benshi mu bakunzi ba ruhago barimo n'abakiri bato

Abana bato bari mu bitabiriye umukino wa Inter Miami na Al Ahly

Abafana ba Inter Miami batangiye gufana hakiri kare

Mu mujjyi wa Miami ntibyari bisanzwe mbere y'uko umukino uba

Perezida wa FIFA, Gianni Infantino, aganira na bagenzi be mbere yo gukurikira umukino

Abafana bari benshi ku kibuga

Abakurikiye umukino wa mbere w'Igikombe cy'Isi cy'Amakipe baryohewe n'ibirori

Amakipe 32 ni yo azahanganira Igikombe cy'Isi

Umuhango wo gufungura irushanwa warimo ibyamamare

Umukino wa mbere wabereye mu mujyi wa Miami

Al Ahly ni imwe mu makipe meza ku Isi

Amakipe yabaye yitwaye neza ku rwego rw'imigabane ni yo yitabiriye irushanwa

FIFA yatangije irindi rushanwa rikomeye ku Isi

Amakipe yombi yakiriwe mu buryo budasanzwe bufungura irushanwa

Abakinnyi 11 Al Ahly yabanje mu kibuga

Abakinnyi 11 Inter Miami yabanje mu kibuga

Abafana ba Al Ahly yo mu Misiri bari bakereye kuyishyigikira

Lionel Messi aramukanya na Mohamed El Shenawy wa Al Ahly mbere y'uko umukino utangira

Yasser Ibrahim wa Al Ahly yari yahawe akazi ko kutava iruhande rwa Messi

Lionel Messi ari guhindura umupira mu rubuga rw'amahina

Umunyezamu wa Inter Miami, Oscar Ustari, yitwaye neza muri uyu mukino yakuyemo na penaliti

Al Ahly yari ikipe nziza mu gice cya mbere cy'umukino

Al Ahly yabujije Messi kuyibonamo igitego

Yasser Ibrahim wa Al Ahly abwira bagenzi be gusunganwa na Lionel Messi

Al Ahly yabonye inota rimwe yagerageje gukina

Achraf Dari ari kwihanganisha Lionel Messi yari amaze gukorera ikosa

Yasser Ibrahim wa Al Ahly yahagaze neza mu bwugarizi bwayo

Abou Ali wa Al Ahly agerageza uburyo bw'igitego

Lionel Messi ntabwo yorohewe n'abakinnyi ba Al Ahly

Hamdi Fathy wa Al Ahly ahanganye na myugariro wa Inter Miami Falcon Picart

Trézéguet agerageza gukura umupira ku mukinnyi wa Inter Miami