Ferwafa yemeje ko shampiyona itaha izatangira ku wa 30 Ukwakira 2020

Yanditswe na IGIHE
Kuya 6 Kanama 2020 saa 02:07
Yasuwe :
0 0

Ishyirahamwe ry’Umupira w’Amaguru mu Rwanda, FERWAFA, ryemeje ko shampiyona itaha mu cyiciro cya mbere izatangira ku wa 30 Ukwakira 2020, ikazasozwa ku wa 20 Gicurasi 2021.

Ni icyemezo cyafatiwe mu nama ya komite nyobozi ya Ferwafa yo ku wa 31 Nyakanga 2020. Ni mu gihe shampiyona yo mu cyiciro cya mbere mu bagabo iheruka guhagarikwa imburagihe bitewe n’icyorezo cya Coronavirus, bigatuma APR FC ishyikirizwa igikombe cya shampiyona.

Mu ngengaminsi y’agateganyo yashyizwe ahagaragara kuri uyu wa Kane, Ferwafa yemeje ko shampiyona yo mu cyiciro cya kabiri mu bagabo y’umwaka wa 2020-2021 yo izatangira ku wa 31 Ukwakira 2020, ikazasozwa ku wa 29 Gicurasi 2020.

Ni mu gihe aho imikino yasubitswe bagomba kuzasubukura, ni ukuvuga mu gushaka ikipe izazamuka mu cyiciriro cya mbere mu bagabo, mu mikino yo gukuranwamo hazagenda haba umukino umwe hagati y’amakipe abiri, yose ikazabera i Kigali hagati ya tariki 2-17 Ukwakira 2020, hubahirijwe ingamba zo kwirinda Coronavirus.

Ni mu gihe shampiyona y’icyiciro cya mbere n’icya kabiri mu bagore yo izakinwa hagati ya tariki 3 Ukwakira 2020 na tariki 20 Ukuboza 2020.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .