Ibi, Perezida wa Ferwafa akaba yabitangaje nyuma y’umukino wa Super Coupe ikipe ya Police FC yatsinzemo APR FC penaliti 7-6 nyuma yaho amakipe yombi anganyije 0-0 mu minota 90 isanzwe y’umukino.

Asubiza ku kibazo cy’umunyamakuru wa IGIHE ku bijyanye no kuba aya makipe yombi byabaye ngombwa ko adakinisha abakinnyi bayo yari amaze iminsi akoresha mu myitozo kubera ko ari abanyamahanga, Perezida wa Ferwafa yatangaje ko vuba icyemezo kirajya hanze cy’umubare w’abanyamahanga ushobora kwiyongera.

Yagize ati: “Umwaka ushize twongereye umubare w’abanyamahanga twongeraho umwe. Kuri ubu na bwo turi kubyiga (ku mubare twakongeraho) aho dufite byinshi dushingiraho.”

“Kongera abanyamahanga twagiye tubongera n’icyemezo muzakimenya gusa intego nkuru ni ukongera umubare w’abakinnyi beza, baba abanyamahanga cyangwa Abanyarwanda.”

Amakipe menshi mu cyiciro cya mbere, muri uyu mwaka wa shampiyona yari yaguze abakinnyi ashingiye ku mubare wisumbuye w’abanyamahanga. Ikipe ya Police FC byasabye ko ihengeka Zidane nka myugariro unyura ibumoso mu gihe APR FC, ifite Abanyarwanda 13 bonyine ukuyemo umunyezamu usimbura.

Amakuru IGIHE ifite ni uko kuri uyu wa mbere ari bwo hari bufatwe umwanzuro wa nyuma ku bijyanye n’abanyamahanga bajya mu kibuga, aho nta gihindutse aba bashobora kuba umunani bashyirwa ku rupapuro rw’umukino, nubwo Rwanda Premier Legaue yifuzaga ko baba 12.

Ferwafa irifuza ko amakipe azana abakinnyi bashoboye nk'abanya Nigeria babiri bakinira APR FC na Police FC.

Perezida wa Ferwafa(wa mbere iburyo0 yavuze ko mu minsi mike bari bube batangaje umubare w'abanyamahanga bongera mu kibuga.

Police FC yatsinze APR FC yegukana Super Cup.