FC Barcelone iyoboye amakipe yinjije agatubutse kurusha ayandi ku Isi mu 2018/19

Yanditswe na Eric Tony Ukurikiyimfura
Kuya 15 Mutarama 2020 saa 10:03
Yasuwe :
0 0

Ikipe ya FC Barcelone yo mu cyiciro cya mbere muri Espagne ni yo iyoboye urutonde rw’amakipe yinjije amafaranga menshi kurusha andi ku Isi mu mwaka ushize w’imikino wa 2018/19 nk’uko bigaragazwa na Deloitte’s Football Money League yerekana uko amakipe akomeye yinjije agatubutse.

Urutonde rwashyizwe ahagaragara kuri uyu wa Kabiri, rwerekana ko FC Barcelone ari yo kipe ya mbere yinjije amafaranga menshi mu mwaka w’imikino wa 2018/19, angana na miliyoni 741.1£, ikurikiwe na mukeba wayo, Real Madrid yo yinjije miliyoni 667.5£.

Manchester United yo mu Bwongereza iri ku mwanya wa gatatu, aho yinjije miliyoni 627.1£, ariko byitezwe ko aya mafaranga azagabanyuka muri uyu mwaka w’imikino wa 2019/20 kuko itongeye kugaragara mu irushanwa rya UEFA Champions League ku nshuro ya kabiri.

Manchester City na Liverpool ziri ku mwanya wa gatandatu n’uwa karindwi, aho iyi ya mbere irushwa na Manchester United miliyoni 88.9£ mu gihe Tottenham ari iya munani, Chelsea FC iya cyenda naho Arsenal ikaba iya 11.

Manchester United ni yo kipe yo mu Bwongereza yahoze hejuru kuri uru rutonde rwa Money League kuva rutangiye gukorwa na Deloitte mu mwaka w’imikino wa 1996/97.

Byitezwe ko amafaranga yinjiza azagabanyuka ku kigero kiri hagati ya miliyoni 560£ na 580£ bitewe n’uko ititabiriye UEFA Champions League muri iyi myaka ibiri iheruka.

Mu makipe 20 ya mbere kuri uru rutonde rwa Money League, umunani ni ayo mu Bwongereza ndetse nicyo gihugu gifitemo amakipe menshi kurusha ibindi muri Shampiyona eshanu zikomeye i Burayi zirimo iy’u Bwongereza, u Bufaransa, Espagne, u Budage n’u Butaliyani.

Tottenham yavuye ku mwanya wa 10, igera k’uwa munani na miliyoni 459.3£ mu gihe Arsenal zisangiye Umujyi wa Londres, yo yasubiye inyuma ikagera ku mwanya wa cyenda kubera kudakina UEFA Champions League mu myaka ibiri iheruka.

Chelsea yatakaje miliyoni 96£ mu misoro mu mwaka ushize w’imikino, yasubiye inyuma igera ku mwanya wa cyenda mu gihe andi makipe yo mu Bwongereza ari muri 20 ya mbere yinjije menshi ari West Ham ya 18 na Everton ya 19.

Bayern Munich yo mu Budage, Paris Saint-Germain yo mu Bufaransa na Juventus yo mu Butaliyani ni andi makipe yaje mu 10 ya mbere kuri uru rutonde.

Ni ubwa mbere ikinyuranyo kiri hagati y’ikipe ya mbere n’iya kabiri kigeze kuri miliyoni 73.6£ nk’uko biteye hagati ya FC Barcelone na Real Madrid mu gihe uteranyije amafaranga yose yinjijwe n’aya makipe 20 ya mbere (miliyari 9.3£), usanga yari yongereye ku kigero cya 11% ugereranyije n’ayo mu mwaka ushize w’imikino (miliyari 7.9£).

Amakipe 10 ya mbere yinjije agatubutse kurusha ayandi mu mwaka w’imikino wa 2019/20

  1. FC Barcelone, miliyoni 741.1 £
  2. Real Madrid, miliyoni 667.5£
  3. Manchester United, miliyoni 627.1£
  4. Bayern Munich, miliyoni 581.8£
  5. Paris Saint-Germain, miliyoni 560.5£
  6. Manchester City, miliyoni 538.2£
  7. Liverpool, miliyoni 533£
  8. Tottenham, miliyoni 459.3£
  9. Chelsea, miliyoni 452.2£
  10. Juventus, miliyoni 405.2£
FC Barcelone iri ku isonga ry'amakipe yinjije amafaranga menshi mu mwaka ushize w'imikino wa 2018/19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza