00:00:00 IGIHE NETWORK KN KINYARWANDA EN ENGLISH FR FRANCAIS

El Hadji Diouf wanditse izina muri ruhago ya Afurika ari mu Rwanda

Yanditswe na Mihigo Saddam
Kuya 25 May 2022 saa 10:02
Yasuwe :

Umunya-Sénégal wamamaye mu makipe nka Liverpool, El Hadji Ousseynou Diouf, ari mu Rwanda aho muri gahunda zamuzanye harimo gukurikira imikino ya nyuma ya Basketball Africa League (BAL).

Ku mugoroba w’uyu wa Kabiri tariki 24 Gicurasi 2022 nibwo El Hadji Diouf yageze ku Kibuga cy’Indege Mpuzamahanga cya Kigali.

Diouf w’imyaka 41 y’amavuko araza kwitabira imikino ya 1/2 ya BAL ikinwa kuri uyu wa Gatatu.

Guhera saa kumi n’ebyiri z’umugoroba, Petro de Luanda yo muri Angola irakina na FAP yo muri Cameroun.

Guhera saa tatu n’igice, Zamalek yo mu Misiri irakina US Monastir yo muri Tunisie, amakipe yombi aheruka guhurira ku mukino wa nyuma wa BAL mu 2021.

Iyi mikino yombi biteganyijwe ko irebwa na El Hadji Diouf uvuka muri Sénégal ahari icyicaro cya BAL mu Mujyi wa Dakar.

Diouf yabaye rutahizamu mu ikpe ya Sochaux mu Bufaransa, akina mu ikipe y’abato mu 1998 ubwo yari avuye muri Rennes nayo y’abakiri bato.

Sochaux yamuzamuye mu ikipe nkuru kuva mu 1998-1999 mbere yo gusubira muri Rennes ariko y’abakuru mu 1999 kugeza mu 2000.

Amaze gukina imikino 28 muri Rennes akayitsindira igitego kimwe, mu 2000-2002 yahise ajya muri Lens ahakina imikino 54 atsinda ibitego 18.

Mu 2002 yavuye muri Lens agana muri Liverpool yo mu Bwongereza ahava mu 2005 atsinze ibitego bitatu mu mikino 55 yahakinnye.

Gusa mu 2004, Liverpool yari agifitemo amasezerano, yamutije muri Bolton Wanderers asozamo amasezerano mu 2005 ayikiniye imikino 27 atsinda ibitego icyenda.

Guhera mu 2005-2008, Bolton yahise imufata nk’umukinnyi wayo ahakina imikino 87 atsinda ibitego 12 mbere yo gusinya umwaka umwe muri Sunderland.

Mu mwaka w’imikino 2008-2009 muri Sunderland, Diouf yakinnye imikino 14 ntiyahabona igitego, ahita agana muri Blackburn Lovers yakinnyemo kuva mu 2009-2011.

Yahakinnye imikino 60 atsinda ibitego bine imutiza mu ikipe ya Rangers umwaka wa 2011 wose.

Amasezerano ye na Blackburn arangiye yahise asinyira ikipe ya Doncaster Rovers muri Ecosse ayikinira umwaka w’imikino wa 2011-2012, imikino 22, atsinda ibitego bitandatu.

Mu 2012-2014 yakiniye Leeds United imikino 40 atsinda ibitego bitanu ahita ajya mu ikipe ya Sabah FA yo muri Malaysie akinamo imikino icumi atsinda ibitego bine.

Ikipe ya Sabah FA yayikiniye umwaka umwe kugeza mu 2015 ari nabwo yasezeye gukina ruhago.

Ikipe y’igihugu ya Sénégal yayikiniye imikino 70 kuva mu 2000-2008 ayitsindira ibitego 24.

Mu 2017, El Hadji Diouf yasubiye i Dakar akora akazi ko kuba Umujyanama wa Perezida wa Sénégal, Macky Sall.

Diouf yabifatanyaga no kuyobora ikinyamakuru cye na Gymnase yubatse mu Mujyi wa Dakar aho avuka.

El Hadji Ousseynou Diouf yabaye umukinnyi wa Liverpool imyaka itatu
Diouf ni umwe mu bantu bazwi mu mupira wa Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .