00:00:00 IGIHE NETWORK KN KINYARWANDA EN ENGLISH FR FRANCAIS

Eden Hazard yasezeye mu Ikipe y’Igihugu

Yanditswe na Byiringiro Osée Elvis
Kuya 7 Ukuboza 2022 saa 12:59
Yasuwe :

Rutahizamu w’Ikipe y’Igihugu y’u Bubiligi akaba na Kapiteni wayo Eden Hazard yayisezeyemo burundu.

Hazard w’imyaka 31 asanzwe akinira Real Madrid yo muri Espagne. Yasezeye nyuma y’uko igihugu cye gisezerewe mu Gikombe cy’Isi kiri kubera muri Qatar kitarenze umutaru, umusaruro watumye n’Umutoza Roberto Martinez yegura ku nshingano ze.

Abinyujije ku mbugankoranyambaga ze, Eden Hazard yashimiye urukundo yeretswe mu gihe cy’imyaka 14 yari amaze akinira Ikipe y’Igihugu.

Yagize ati “Mwarakoze ku bw’urukundo, kunshyigikira ndetse n’ibyishimo twasangiye kuva mu 2008. Nahisemo gusoreza urugendo rwanjye hano. Nzabakumbura.”

Uyu mugabo ni umwe mu bagize ikiragano cyiswe icya zahabu iki gihugu cyagize nubwo nta gikombe we na bagenzi be bagihesheje.

Hazard yatangiye gukinira ’Les Diables Rouges’ mu 2008 afite imyaka 17. Mu mikino 126 yakinnye, yatsinze ibitego 33.

Rutahizamu Eden Hazard yasezeye mu Ikipe y’Igihugu y'u Bubiligi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .