00:00:00 IGIHE NETWORK KN KINYARWANDA EN ENGLISH FR FRANCAIS

Cristiano Ronaldo yahembwe nka rutahizamu w’ibihe byose muri ‘Globe Soccer Awards’

Yanditswe na Bukuru JC
Kuya 29 January 2022 saa 07:51
Yasuwe :

Rutahizamu wa Manchester United n’Ikipe y’Igihugu ya Portugal, Cristiano Ronaldo, yahawe igihembo cya Rutahizamu w’Ibihe Byose mu bihembo bya Globe Soccer byatangiwe mu imurikagurisha rya ‘Dubai Expo 20202’ ku wa Gatanu.

Ronaldo amaze gutsinda ibitego 801 mu rugendo rwe rwose rwo gukina umupira nk’uwabigize umwuga aho yakiniye amakipe arimo Sporting Lisbon, Manchester United, Real Madrid, Juventus na Portugal.

Uyu mukinnyi wa Manchester United yashyikirijwe igihembo aho ari mu biruhuko i Dubari mu muhango wabereye muri Al Wasl Plaza.

Cristiano Ronaldo w’imyaka 36 yasuhujwe n’amagana y’abafana bari bitabiriye iki gikorwa cyo kumuha igihembo, bafata amafoto n’amashusho bifashishije telefoni zabo.

Kuri ubu, uyu mukinnyi ari mu biruhuko i Dubai hamwe n’umuryango we ndetse ku wa Gatanu yizihije isabukuru y’amavuko y’umukunzi we, Georgina Rodriguez, igikorwa cyabereye ku nyubako ndende ku Isi, Burj Khalifa.

Ronaldo umaze iminsi afite imvune mu itako, yizeye ko iyi minsi y’ikiruhuko ishobora kumufasha gukira neza mbere y’uko amakipe asubira mu kibuga mu Bwongereza.

Cristiano Ronaldo yari afite akanyamuneza ubwo yahabwaga igihembo cya 'Rutahizamu w'Ibihe Byose' muri 'Golbe Soccrer Awards'
Amagana y'abafana bari bitabiriye iki gikorwa i Dubai bari bishimiye kubona Cristiano Ronaldo
Abafana babonye umwanya wo kwifotozanya na Cristiano Ronaldo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .