Cristiano Ronaldo, Virgil van Dijk na Sadio Mané mu bakinnyi 30 bahataniye Ballon d’Or

Yanditswe na Eric Tony Ukurikiyimfura
Kuya 21 Ukwakira 2019 saa 10:31
Yasuwe :
0 0

Myugariro wa Liverpool, Virgil van Dijk ni umwe mu bakinnyi barindwi b’iyi kipe batoranyijwe muri 30 bahataniye Ballon d’Or ya 2019.

Sadio Mané, Roberto Firmino, Trent Alexander-Arnold, Georginio Wijnaldum, Mohamed Salah n’umunyezamu Alisson Becker bashyizwe kuri uru rutonde.

Cristiano Ronaldo na Lionel Messi bamaze kwegukana iki gihembo inshuro eshanu, bari mu bakinnyi batangajwe mu bagihataniye.

Liverpool ni yo kipe ifite abakinnyi benshi muri uru rutonde.

Manchester City ifitemo Sergio Aguero na Bernardo Silva mu gihe Tottenham ifitemo Hugo Lloris na Son Heung-min.

Rutahizamu wa Arsenal, Pierre-Emerick Aubameyang ni umwe mu bakinnyi bahataniye Ballon d’Or 2019.

Andi makipe afitemo abakinnyi babiri ni Ajax (Dusan Tadic na Donny van de Beek), Barcelona (Frenkie de Jong, Lionel Messi na Marc-André ter Stegen) na Juventus (Ronaldo na Matthijs de Ligt).

Bayern Munich (Robert Lewandowski), Paris St-Germain (Kylian Mbappé) na Real Madrid (Karim Benzema na Eden Hazard) zose zifite umukinnyi umwe mu bamaze gutangazwa.

Umukinnyi uzegukana iki gihembo, azatangazwa tariki ya 2 Ukuboza 2019 mu muhango uzabera i Paris mu Bufaransa.

Luka Modrić ukinira Real Madrid, ni we wegukanye iki gihembo mu mwaka ushize, ashyira akadomo ku myaka irindwi cyari kimaze gitwarwa na Cristiano Ronaldo na Lionel Messi.

Umuholandi Van Dijk ari mu bahabwa amahirwe yo kwegukana Ballon d’Or y’uyu mwaka nyuma yo gutorwa nk’umukinnyi mwiza i Burayi muri Kanama 2019.

Ikinyamakuru France Football cyatangije iki gihembo mu 1956, nyuma kiza gutangira gutangwa na FIFA hagati ya 2010 na 2015.

Nyuma yaho, FIFA yatandukanye na Ballon d’Or mu mwaka wakurikiyeho, itangira kujya itanga icyiswe ‘Umukinnyi mwiza w’Umwaka wa FIFA’.

Mu kwezi gushize, iki gihembo cyatwawe na Lionel Messi ku nshuro ya kane cyatangwaga kuva FIFA yitandukanyije na Ballon d’Or.

Abakinnyi 30 bahataniye Ballon d’Or 2019:

  1. Virgil van Dijk (Liverpool)
  2. Bernardo Silva (Manchester City)
  3. Son Heung-min (Tottenham)
  4. Robert Lewandowski (Bayern Munich)
  5. Roberto Firmino (Liverpool)
  6. Alisson Becker (Liverpool)
  7. Matthijs de Ligt (Juventus)
  8. Karim Benzema (Real Madrid)
  9. Georginio Wijnaldum (Liverpool)
  10. Sergio Agüero (Manchester City)
  11. Frenkie de Jong (Barcelona)
  12. Hugo Lloris (Tottenham)
  13. Dusan Tadić (Ajax)
  14. Cristiano Ronaldo (Juventus)
  15. Kylian Mbappé (Paris St-Germain)
  16. Trent Alexander-Arnold (Liverpool)
  17. Donny van de Beek (Ajax)
  18. Pierre-Emerick Aubameyang (Arsenal)
  19. Marc-André ter Stegen (Barcelona)
  20. Sadio Mané (Liverpool)
  21. Lionel Messi (Barcelona)
  22. Riyad Mahrez (Man City)
  23. Kevin De Bruyne (Man City)
  24. Kalidou Koulibaly (Napoli)
  25. Antoine Griezmann (Barcelona)
  26. Mohamed Salah (Liverpool)
  27. Eden Hazard (Real Madrid)
  28. Marquinhos (Paris St-Germain)
  29. Raheem Sterling (Man City)
  30. João Félix (Atlético Madrid)
Virgil van Dijk wa Liverpool ni umwe mu bahabwa amahirwe yo kwegukana Ballon d'Or ya 2019

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza