00:00:00 IGIHE NETWORK KN KINYARWANDA EN ENGLISH FR FRANCAIS

Cristiano mu ihurizo ryo kubana na Georgina muri Arabie Saoudite batarasezeranye

Yanditswe na Byiringiro Osée Elvis
Kuya 6 Mutarama 2023 saa 04:10
Yasuwe :

Rutahizamu mushya wa Al Nassr, Cristiano Ronaldo ari mu ihurizo rikomeye ryo gukomeza kubana na Georgina Rodríguez mu gihe itegeko ryo muri Arabie Saoudite ritemerera abantu kubana mu nzu batarasezeranye.

Ku wa Kabiri tariki 3 Mutarama 2023 nibwo Ronaldo yerekanywe nk’umukinnyi mushya wa Al Nassr. Ni umuhango wanitabiriwe n’umukunzi we Georgina Rodríguez n’abana babo.

Gusa kuri ubu hari kwibazwa niba uyu mugabo w’imyaka 38 arakomeze kubana n’uyu mukunzi we kuko amategeko yo muri Arabie Saoudite atemerera abantu kubana mu nzu imwe batarasezeranye.

Nubwo bimeze bityo amakuru ava muri iki gihugu avuga ko iri tegeko ritagikomeye cyane nka mbere.

Ikinyamakuru cyo muri Espagne, Marca cyaganiriye n’umunyamategeko wo muri Arabie Saoudite avuga ko iri tegeko ahanini rikurikizwa ku miryango isanzwe ifitanye amakimbirane.

Ati “Kuri ubu iri tegeko ntabwo rigikomeye nka mbere, kandi rikurikizwa cyane ku miryango isanzwe ifitanye amakimbirane. Ikindi usanga rikurikizwa cyane ku benegihugu ariko abanyamahanga bararyoroshya kuko baba bari bwinjirize igihugu amafaranga menshi.”

Ronaldo na Georgina bafitanye abana babiri (Bella na Alana), gusa uyu mugabo afite abandi batatu, Cristiano Junior n’impanga za Eva na Mateo.

Ronaldo yerekanywe muri Al Nassr arikumwe n'umuryango we
Cristiano mu ihurizo ryo kubana na Georgina muri Arabie Saoudite batarasezeranye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .