CHAN 2020: Abafana bemerewe kwinjira muri stade, bashyirirwaho amabwiriza yihariye

Yanditswe na Bukuru JC
Kuya 9 Mutarama 2021 saa 11:46
Yasuwe :
0 0

Mu gihe habura icyumweru kimwe ngo hatangire Shampiyona Nyafurika ihuza amakipe y’Ibihugu ku bakinnyi bakina imbere mu bihugu byabo (CHAN 2020), Komite ishinzwe gutegura iri rushanwa yemeje ko rizitabirwa n’abafana ariko hubahirizwa amabwiriza yo kwirinda COVID-19.

CHAN 2020 igiye kuba ku nshuro ya gatandatu guhera ku wa 16 Mutarama kugeza tariki ya 7 Gashyantare 2021 muri Cameroun.

Ku wa Gatanu tariki ya 8 Mutarama, Umuyobozi wa Komite ishinzwe gutegura iri rushanwa (COCAN 20-21) akaba na Minisitiri wa Siporo n’Uburezi muri Cameroun, Narcisse Mouelle Kombi, yatangaje ko rizitabirwa n’abafana bake ugereranyije n’abasanzwe mu rwego rwo kwirinda COVID-19.

Yavuze ko “Imikino yose y’amatsinda irimo n’ufungura irushanwa, izitabirwa na 25% by’abafana ku kibuga mu gihe muri ½ n’umukino wa nyuma hazitabira 50%.”

Amatike yo kwinjira kuri stade ya Yaoundé, Douala-Japoma, Douala Bepanda na Limbe-Buea zizakinirwaho iri rushanwa, azajya agurishwa ku minsi itari iy’imikino.

Amatsinda ya CHAN 2020 izabera muri Cameroun:

Itsinda A: Cameroun, Zimbabwe, Mali na Burkina Faso.

Itsinda B: Libya, Repubulika Iharanira Demokarasi ya Congo, Congo Brazzaville na Niger.

Itsinda C: Maroc, u Rwanda, Togo na Uganda.

Itsinda D: Zambia, Guinea, Namibia na Tanzania.

Cameroun izakira CHAN 2020 kuri stade enye zitandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .