00:00:00 IGIHE NETWORK KN KINYARWANDA EN ENGLISH FR FRANCAIS

Champions League: Manchester United iherutse kwirukana umutoza yabonye itike ya 1/16

Yanditswe na Umwali Zhuri
Kuya 24 Ugushyingo 2021 saa 09:07
Yasuwe :
0 0

Manchester United iherutse kwirukana Ole Gunnar Solskjaer wari umutoza mukuru wayo, yabonye itike ya 1/16 cya Uefa Champions League nyuma yo gutsinda Villarreal ibitego bibiri ku busa.

Ni ibitego byabonetse mu gice cya kabiri kimwe gitsinzwe na Cristiano Ronaldo ikindi gitsindwa na Jadon Sancho.

Manchester United yatozwaga na Michael Carrick wabaye uhawe ikipe by’agateganyo mu gihe hagishwakwa umutoza mukuru.

Iyi tsinzi yatumye iyi kipe ibona itike yo gukomeza mu cyiciro gikurikiraho nubwo hasigaye umukino umwe wo mu matsinda. Ifite amanota 10 mu gihe Villarreal yo iri ku mwanya wa kabiri n’amanota arindwi.

Mu yindi mikino yabaye, Chelsea yerekanye ko ishaka gukomeza kwibikaho iki gikombe nyuma y’aho itsindiye Juventus ibitego bine ku busa.

FC Barcelone itozwa na Xavi yo ishobora gusezererwa muri iri rushanwa kuko yananiwe gutsindira iwayo Benfica. Umukino utaha uzayihuza na Bayern Munich niramuka iwutsinzwe, hanyuma Benfica igatsinda Dynamo Kyiv, izahita yisanga muri Europa League.

Uko indi miukino yagenze

  1. Dynamo Kyiv 1 - 2 Bayern Munich
  2. Barcelona 0 - 0 Benfica
  3. Villarreal 0 - 2 Manchester United
  4. Young Boys 3 - 3 Atalanta
  5. Lille 1 - 0 FC Salzburg
  6. Sevilla 2 - 0 Wolfsburg
  7. Chelsea 4 - 0 Juventus
  8. Malmo FF 1 - 1 Zenit St. Petersburg

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .