00:00:00 IGIHE NETWORK KN KINYARWANDA EN ENGLISH FR FRANCAIS

CECAFA 2022: U Rwanda rwisanze mu itsinda rimwe na Uganda

Yanditswe na Mihigo Saddam
Kuya 11 May 2022 saa 12:36
Yasuwe :

Ikipe y’igihugu y’u Rwanda mu cyiciro cy’abagore iri mu itsinda rimwe na Uganda mu matsinda y’irushanwa rya CECAFA y’abagore izabera i Jinja muri Uganda kuva tariki 22 Gicurasi kugeza kuwa 5 Kamena 2022.

Muri tombola yakozwe kuri uyu wa Gatatu tariki 11 Gicurasi 2022, Uganda izakira irushanwa iyoboye itsinda rya mbere.

Rwanda, Burundi na Djibouti nibyo bihugu biri kumwe na Uganda mu itsinda rya mbere (A).

Itsinda rya kabiri (B) ririmo; Tanzanie, Zanzibar, South Sudan na Ethiopie. Ikipe y’igihugu y’u Rwanda izahaguruka i Kigali tariki 20 Gicurasi 2022.

U Rwanda ruheruka kwitabira iri rushanwa mu 2018 ubwo ryaberaga i Nyamirambo rikegukanwa na Tanzania.

CECAFA y’abagore iheruka yabereye muri Tanzania yegukanwa na Kenya. U Rwanda ntabwo rwitabiriye bitewe n’amikoro make.

Mu 2016, u Rwanda rwakinnye CECAFA yabereye muri Uganda, rusoza ku mwanya wa gatanu. Igikombe cyatwawe na Tanzania itsinze Kenya ibitego 2-1.

Ikipe y’igihugu y’u Rwanda mu cyiciro cy’abagore yisanze mu itsinda rimwe na Uganda mu mikino ya CECAFA 2022

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .