CANAL+ yadabagije abakunzi ba ruhago mu mikino ya TOTAL CHAN 2020

Yanditswe na Eric Tony Ukurikiyimfura
Kuya 18 Mutarama 2021 saa 06:34
Yasuwe :
0 0

Ikigo gicuruza amashusho ya Televiziyo, Canal+ Rwanda, cyatangije poromosiyo igamije gufasha Abanyarwanda kureba imikino ya CHAN 2020 ku giciro kiri hasi cyane, uhereye ku 5000 Frw.

Umuyobozi Mukuru w’iki kigo, Sophie Tchatchoua, yatangaje ko kuri ubu umufatabuguzi wa Canal+ ashobora kugura ifatabuguzi rya 5000 Frw gusa muri uku kwezi akabasha kureba imikino yose ya TOTAL CHAN 2020 kuri shene ya Canal+ Sport 1.

Ati "Canal + ifitiye byinshi abafatabuguzi bayo muri uyu mwaka uhereye ku birori bya CHAN 2020 biri kubera hano ku Mugabane wacu wa Afurika, aho ku 5000 Frw Abanyarwanda bazareba imikino 32 yose ya CHAN harimo n’iy’Amavubi."

"CANAL+ yiyemeje kubana n’Abanyarwanda no kubagezaho byose bifuza birimo imyidagaduro ku muryango. Kuri iyi abonema ya 5000 Frw unareba Shampiyona y’u Butaliyani niba ukunda Cristiano Ronaldo."

Muri uku kudabagiza abakiliya bayo, Canal+ ibaha kandi iminsi 15 y’ubuntu bareba amashene yose uko bongereye ifatabuguzi ryabo muri uku kwezi kwa Mutarama.

Ishingiye ku byifuzo by’abakiliya ndetse n’Abanyarwanda by’umwihariko, Canal Plus yashyizeho ibiciro bishya guhera muri Kanama 2020, aho kuri ubu itanga amafatabuguzi ane, ihendutse cyane ikaba igura 5000 Frw gusa ku kwezi.

Iri fatabuguzi ryitwa IKAZE ni ifatabuguzi ririho amasheni arenga 150 arimo shene icyenda zo mu Rwanda, abakunzi ba siporo bakareba shene ya Canal+Sport 1, hakabaho kandi Novelas TV, Trace Africa, BBC World News, Cartoon Network ndetse n’izindi.

CHAN 2020 yatangiye muri Cameroun kuva ku wa Gatandatu tariki ya 16 Mutarama kugeza ku ya 7 Gashyantare 2021, aho Amavubi y’u Rwanda ari imwe mu makipe 16 ahataniye igikombe cy’iri rushanwa rihuza abakinnyi bakina imbere mu bihugu byabo.

Uretse iri rushanwa, muri uyu mwaka wa 2021, Canal + izerekana amarushanwa akomeye arimo Champions League, Europa League, Euro 2021, Imikino Olempike, NBA na za Shampiyona zikomeye z’i Burayi. Igira kandi amashene ya sinema n’ay’amakuru mpuzamahanga.

Ubu, umuntu wifuza kureba amashene ya Canal+, ku mafaranga y’u Rwanda 10.000 gusa ahabwa dekoderi hamwe n’antene (Dish) n’ibindi byose bijyana, ubundi akabasha kwibonera amashusho meza ya HD.

Ku 5000 Frw gusa, Abanyarwanda bashobora kureba imikino yose ya CHAN 2020 muri Cameroun
Umuyobozi Mukuru wa Canal + Rwanda, Sophie Tchatchoua yavuze ko muri uyu mwaka wa 2020 bafitiye byinshi abafatabuguzi bayo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .