Mu ijoro ryo ku Cyumweru, tariki ya 5 Mutarama 2024, ni bwo mu bihugu bitandukanye haberaga imikino y’Umunsi wa Kane w’amatsinda ya CAF Champions League.

Umukino karundura wari uwo mu Itsida A ririmo amakipe y’ibigugu ariko Al-Hilal Omdurman ibasha kubona inota rimwe ryiyongera ku icyenda yabonye mu mikino ibanza, iyobora MC Alger iyiri inyuma ho amanota atanu.

Iri tsinda kandi ni ryo ririmo Yanga SC yo muri Tanzania, yakiniye iwayo na TP Mazembe yo muri RDC, ikayitsida ibitego 3-0 byayigize iya gatatu n’amanota ane. Iyi kipe yo muri Repubulika Iharanira Demokarasi ya Congo iri ku mwanya wa nyuma n’amanota abiri.

Abakinnyi bafashije Yanga SC ni Clement Mzize ndetse na Aziz Ki Stephane, mu gihe icya Al-Hilal Omdurman cyatsinzwe na Alioune Faty.

Uko indi mikino ya CAF Champions League yagenze

Itsinda B

FAR Rabat 2-0 Maniema Union
Raja Casablanca 1-0 Mamelodi Sundowns

Itsinda C

Orlando Pirates 3-0 Stade d’Abidjan
CR Belouizdad 1-0 Al Ahly

Itsinda D

Pyramids 2-1 Esperance
Sagrada Esperança 1-0 Djoliba

Al-Hilal Omdurman yageze muri 1/4 cya CAF Champions League iherukamo mu 2015

Al-Hilal Omdurman yabimburiye andi makipe kurenga amatsinda ya CAF Champions League

Young Africans yo muri Tanzania yahagamye TP Mazembe yo muri RDC

Clement Mzize ni we wafashije Yanga kwikura imbere ya TP Mazembe

Abakinnyi ba Yanga bafitanye umukino na Al-Hilal Omdurman yamaze gukomeza