Kuri iki Cyumweru nibwo Byiringiro Lague yasangije abamurikira ku mbuga nkoranyambaga ifoto y’umugore we Uwase Kelia atwite ndetse n’indi igaragaza ko bamukoreye ibirori byo kwitegura umwana.

Yayikurikije amagambo agira ati "Ndishimye cyane ni ukuri kw’Imana."

Ku wa 7 Ukuboza 2021 ni bwo uyu mukinnyi w’imyaka 23 yasabye anakwa Uwase Kelia, mu muhango wabereye muri Luxury Palace iri ahazwi nka Norvège.

Nyuma y’amezi icyenda bibarutse imfura y’umukobwa.

Byiringiro yazamuwe mu Ikipe Nkuru ya APR FC muri Mutarama 2018 avuye muri Intare FC yagezemo avuye muri Vision FC.

Muri Mutarama 2023 ni bwo yaguzwe na Sandvikens IF yari mu Cyiciro cya Gatatu, ayifasha kuzamuka mu Cyiciro cya Kabiri.

Byiringiro Lague na Uwase Kelia baritegura kwibaruka umwana wa kabiri

Uwase Kelia yakorewe ibirori byo kwitegura umwana

Mu 2022 ni bwo bombi bibarutse imfura y'umukobwa

Lague na Kelia babana nk'umugabo n'umugore kuva mu 2021

Byiringiro akinira Sandvikens FC yagezemo mu ntangiriro z'umwaka ushize

Mu 2018 ni bwo Byiringiro yatangiye gukinira APR FC yamazemo imyaka itanu